MZP in sawrkar hna thawk pension kum tihsan tum duh lo

MSSSB hna lakah hnam dang pathum lak tel MZP in pawi ti

Aizawl | June 6, 2022: Mizo Zirlai Pawl (MZP) General Headquarters Executive Meeting vawi 608-na chu vawiin chun khan MZP Conference Hall-ah an ṭhukhawm a, Sawrkar hnathawk Pension kum tihsan tum chungchang, MSSSB hnuaia hnalak chungchang, Remna Ni leh Zofest 2022 chungchangte relin, an pawl president Lalnunmawia Pautu-in a kaihruai.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

MZP Meeting chuan Mizoram sawrkar hnuaia hnathawkte pension kum tihsan tumna awm mek chu, tuna hman mek kum 60 hi tha a la ti a. Thalai hna zawng mek leh dil mekte tan kawng zau zawk a in hawn zel theih nan, pension kum tisang lo turin Mizoram sawrkar a ngen nghal a ni.  

MZP chuan thuchhuah siamin, Tun hnaia Mizoram Subordinate Services Selection Board (MSSSB)-in Combined Graduate Level Examination a buatsaiha hna hrang hrang a lakah, Mizo dik tak tling leh tlak an awm laia hnam dang pathum lak tel an ni chu MZP chuan pawi a tiin a ngai thutak hle a. Tun hnuah Mizoram sawrkar hnuaia hna lak reng rengah a tling leh tlak rau rau zingah ram leilungfa, Mizo dik tak duhsak zel tawh turin a ngen a. A tul angin enzui zel pawh a tum bawk, niin a tarlang.

MZP chuan Remna Ni, June ni 30 chu hman leh ngei an tum a. Tin, Zofate inkhawmpui lian ZOFEST pawh kumin chhung ngeiin, Lamka (Churachandpur) Manipur-ah nei turin hma an la mek niin thuchhuah chuan a tarlang.

No. E-93/MZP-GHQ/2021-2023/34    

Dated Aizawl, the 6th June, 2022

MZP PRESS RELEASE

Vawiin ni 6th June, 2022 (Thawhṭanni) chhun dar 12 khan MZP General Headquarters Executive Meeting vawi 608-na chu MZP Conference Hall-ah neih a ni a. Sawrkar hnathawk Pension kum tihsan tum chungchang, MSSSB hnuaia hnalak chungchang, Remna Ni leh Zofest 2022 chungchangte rel niin, Meeting hi Pu Lalnunmawia Pautu President kaihruaina hnuaiah neih a ni.  

Meeting chuan Mizoram sawrkar hnuaia hnathawkte pension kum tihsan tumna awm mek chu, tuna hman mek kum 60 hi tha a la ti a. Thalai hna zawng mek leh dil mekte tan kawng zau zawk a in hawn zel theih nan, pension kum tisang lo turin Mizoram sawrkar a ngen nghal a ni.  

Tun hnaia Mizoram Subordinate Services Selection Board (MSSSB)-in Combined Graduate Level Examination a buatsaiha hna hrang hrang a lakah, Mizo dik tak tling leh tlak an awm laia hnamdang pathum lak tel an ni hi MZP chuan pawi a tiin a ngai thutak hle a. Tun hnuah Mizoram sawrkar hnuaia hna lak reng rengah a tling leh tlak rau rau zingah ram leilungfa, Mizo dik tak duhsak zel tawh turin a ngen a. A tul angin enzui zel pawh a tum bawk. 

Meeting chuan Remna Ni, June ni 30 hi hman leh ngei nise a ti a, Organising Committee pawh a din nghal bawk. Tin, Zofate inkhawmpui lian Zofest pawh kumin chhung ngeiin, Lamka (Churachandpur) Manipur-ah neih tura hmalak mek a ni.

Sd/-

(CHINKHANMANGA THOMTE)

Asst. General Secretary