Aizawl | June 1, 2022: Mara Autonomous Dist Council Chief Executive Member Pu H Malvina fiahna vote of confidence chu nimin khan MADC Session hall ahneih niin Pu Malvina chuan fiahna a paltlang.
CEM fiahna hi MADC Chairman Pu N.Viakhu an kaihruaiin Pu Malvina kaihruai sorkar fiah a nih dawn avangin eptu lam atangin sorkar rinna an nghah loh thu Pu M.Laikaw eptu leader leh Pu K Hrahmo ten sawiin ruling lam atangin Pu HC Lalmalsawma Zasai leh Pu H. Hrangchuanga ten sorkar an thlawpna thu an sawi bawk a, Pu Malvina chuan house ah a kaihruai sawrkar chu mipui sorkar dik tak a nih tur thu sawiin thlawp turin member te a sawm hnuah ban phar a fiahna hun hman zui nghal a ni.
He hunah hian Sorkar thlawp zawngin member 12 in vote an pe a, A thlawp lo zawngin member ten vote 12 an pe bawk a, CCB Rules in thuneihna a pek angin Chairman Pu N.Viakhu chuan casting hmangin Pu H Malvina sorkarna chu a thlawp thu leh hnehna a chan thu a puang zui a ni.
MADC Dy.Chairman thlanna atan hming pek luh theih hun vawiin chawhma dar 10:30am atangin hawn a nih thu leh Dy Chairman thlanna hi Ningani chawhma dar 10:30am ah neih a nih tur thu Chairman chuan sawiin session a titawp zui a ni.
- AIR News Aizawl
Post a Comment
He post chungchanga i ngaihdan lo sawi ve rawh: