I THILTUMTE TIHLAWHTLING TURIN RUAHMANNA SIAM RAWH

- Rick Warren

- June 1, 2022

“Remhria zawng zawngin finnain an thawk a, mi a erawh chuan atna a zar darh ṭhin.” Thufingte 13:16

Nangma puala thiltum i neih tihlawhtling turin, i bul ṭanna tur leh i kal zelna tur atan ruahmanna i mamawh a ni. I tum ram i panna kawnga thil beisei lawk loh lo thleng turte pawh hneh zel thei turin ruahmanna i siam a ngai bawk a ni.

Genesis 24 ah Abrahaman a fapa Isaaka nupui zawng tura a chhiahhlawh upa ber nena ruahmanna fing tak an siam dan kan hmu a. Chhiahhlawh chuan a thiltumte tihhlawhtlinna kawngah chuan harsatna pahnih a nei a. A pu laichinte ramah chuan khawiah nge Isaaka nupui tur chu a zawn hmuh ang? Hmeichhe nungchang ṭha tak chu engtin nge hun reilote chhung chuan a zawn hmuhsak theih ang? Chung a harsatnate chu sutkian a nih theih nan ngaihtuahna thar a nei a.

Pakhatnaah chuan, chhiahhlawh chu chunglaia hmeichheho awmkhawmna tuichhunchhuahah a  kala. Tuichhunchhuah chu hmun dang zawng aia hmeichhe hmuh theihna hmun remchang a ni.

Tichuan Isaaka tana a nupui duhzawng tak chu thlan dan pawh a hria. Hmeichhe khawngaihna ngah tak a duha, a sanghawngsei 10 te intur tui pe vek thei tur a zawng a ni. Chutiang daih tur tui chawi chu hautak tak a ni!

A thiltumte chu rinthu mai maia hlawhtlin a tum lova. Ṭawngṭaiin ruahmanna a siam a, a tumte chu a hlawhtling reng a ni. Chutiang a tihna kawngah chuan Bible-in, “Remhria zawng zawngin finnain an thawk a, mi a erawh chuan atna a zar darh ṭhin” a ti. Thufingte 13:16

Ruahmanna ṭha chu – in chhungkaw tan emaw, i hna emaw, i rawngbawlna emaw i nuna kawngdangah pawh nise, kawng thumin an ṭhena. 

* *Kailawn.* Tuna i awmna aṭang khan khawiah nge i kal zel dawn tih leh khawiah nge kalpui i tum tih ruahmanna i siam a ngai a ni.

* *Hun tawpni.* Chung kailawnte chu hun tawpni siam ṭheuh la.  I thiltum chu Pathianin a tihhlawhtlin hun tur i beiseina rinna a i puanchhuahna a ni.

* *Hunbi intuk.* Chung hunbi i tukte chu i calendar-ah ziak la. Hmun biru deuh laiah thukru ngawt suh. Chung calendar a i ziahte chu min hmuhtir chuan, i tana a pawimawhnate ka hrilh thei ang che.

Zirchianna aṭang chuan American mi za zela panga chauhin an nuna an thiltumte an ziak a; chung thiltum ziak za zela panga te chu chu rama hlawh sang ber berte an ni bawk. Mi hlawhtlingte chuan an thiltum an ziaka, chumi zui chuan an thawk a ni. Mi hlawhtlinglo te chu an then an thena; nun chu an tan a liam ve ngawt mai a ni. Tum nei lovin, an nun kalna kawng ber pawh an hre lova, hun chu a liam ve zel thung si a ni.

I nun chu thenkualtir mai mai teh suh. Abrahama chhiahhlawh aṭang hian zirchhuah tum zawk teh. Tum mumal tak nei la, chumi tihlawhtling tur chuan ruahmanna siam zel ang che. 

Ngaihtuah zui atan

* Ruahmanna siam kawngah hian eng hi nge harsa i tih ber: rahbi ziaka dah, hunbi intuk nge hun tawpni insiam le? Chumi kawnga hmasawn tur chuan engnge i tih theih le? 

* Eng vangin nge ruahmanna ṭha chu Pathianin mal a sawm i rin?

* Nangma tihhlawhtlin tur tum pakhat nei la. Chumi tihlawhtling tura a rahbi te te chu vawiinah hian ziakchhuak la. Chung rahbi pakhat zel chu a hun tawpni insiam zel la chungte chu i calendarah ziak zel ang che

*[Lettu: Sangpuia]*