I MANGAN PATHIAN HNENAH THLEN RAWH

 Hlimna nun kawng

I MANGAN PATHIAN HNENAH THLEN RAWH

— Rick Warren 

— June 28, 2022

“Engah mah mangang suh u.”

Philippi 4:6

Hnathawh hah viau pawhin zan lamah chuan kan theihnghilh mai a; manganna erawh chu a ni lo.

Bibleah chuan Pathianin chiang takin manganna kan tawh pawha awm dan tur min hrilh vek a, “Engah mah mangang suh u.” Philippi 4:6

Engvangin nge kan mangannate chu kan liamtir a ṭul?

*Mangan hian awmzia a nei lo.* A dikna chhan kawng hrang hrang a awm a. Pakhatna, manganna chuan harsatna a ti punlun mai mai a ni. I lo chik ṭhin em, mi tuemawin i chungchang ṭha lo lo sawi ta sela, i ngaihtuah nasat poh leh, a zualkai zawk ang. Pahnihna, mangan hi a sawt lo. Mangan avanga thil i thlak danglam thei chuang lova chuvangin a thlawn mai a ni. Mangang deuha thil thlak danglam theih a nih phei chuan hun khawhralna mai a ni; va kal la thlak mai ang che!

*Mangan vak hi a lem.* Tumah hi mangang tura piang an ni lo. I niin i inhre mai thei, mahse i ni lo. Mangannate hi chu i zirchhuah mai mai a ni. Manganna te hi a lem em avangin, a hrisel lo bawk a ni. I taksa pawh hi manganna tawk tura duan a ni chuang lo. Miin, “ka mangang lutuka ka khuasik,” an tih chuan thudik an sawi a ni. Doctor-ten an sawia, mi tam tak chu sual nia inhriatnate, thinrimnate leh mangannate lakkian dan an thiam chuan damdawiin an chhuahsan thei an ti a ni. Thufingte 14:30 ah, “Rilru dam chu taksa hriselna a ni" a ti. (NLT).

*Mangan hi a hlawk lo.* Mangannain hun kal tawh a thlak danglam thei lova, hmalam hun pawh a thunun thei hek lo. Engkim a tibuai zawk a ni. Manganna chuan nangmah chiah a ti danglam che. Mi vanduaiah a siam che! Harsatna pawh a chingfel thei ngai lo.

*Mangan hi a ṭangkai lo.* Pathianin a duang che a, a siam che a, a chhandam che a, nangmahah khan Thlarau a dah a ni. I mamawhte chu a ngaihtuah ang tih i ring lovem ni? Chuvang chuan manganna chhan tur a awm lo a ni.

I thawpiknate lakkian i duh em? A hmasa berah chuan manganna tur thilte kha hnawl phawt a ngai a ni. Engnge a chhan? A chhan chu mangan chuan awmzia a nei lova, a lem a, a hlawk lova, a ṭangkai lo bawk a ni.

Bible chuan, “Anin a ngaihsak ṭhin che u avangin in manganna zawng zawng ama chungah nghat vek rawh u” a ti. (1 Peter 5:7).

Mimal takin i mamawhte pawh ngaihtuahin Pathianin a ngaihsak che a ni. I thawpiknate, buaina leh mangannate chu engtin nge i tih ang? Liamtir la. Pathian kutah dah ang che.

Ngaihtuah zui atan

* Tuna i manganna khan Pathian i rin tawk leh tawk lohzia engtin nge a hril?

* Tuna i mangannate chu eng te nge? I manganna chu thlak emaw liamtir emaw turin eng nge i tih theih le?

* “I manganna zawng zawng Pathianah nghat rawh” tih hi a takin engtin nge i zawm theih ang?

[Lettu: Sangpuia]

1 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post