CHHIA LEH ṬHA HRIATNA FIM TAK CHU ENGTIN NGE I VAWN NUN ZEL ANG?

 

— Rick Warren 

— June 15, 2022



“A bawhchhiatna ngaihdama awm a, a sualna hliahkhuha awm chu, a eng a thawl e. Mi, Lalpan khawlohna neia a ruat lohva, A thlarauva tihderna rêng rêng awm lova chu, a eng a thawl e." Sam 32:1-2

Ti sual nia inhriatna emaw zahna emaw avangin i hlimna i hloh thei a ni. Pawi i tihna chu i kalsan a ngaia, hlim i duh chuan chhia leh ṭha hriatna thiang tak i put a ngai a ni— a chhan chu a rualin pawi tihna leh hlimna hi i nei kawp thei si lova.

Philippi 2:15 ah chuan, “Pathian fa sawiselbote in nih theihna turin phunnawina leh inhnialnate awm lovin engkim ti rawh u, chungho zingah chuan nunna thu hlanin khawvelah hian tiengtu angin in lang ṭhin.

Lunghlu lam zuartu chuan amah lo dawrtute hnenah velvet dumah kher lunghlu a entir ṭhin tih i hria em? A chhan chu thil duma dah khan a eng kha a lan eng bik ṭhin vang a ni. 

Kan hnam ziarang te a lo dazatin khawvel pawh a lo thim zual zela, Kristian te erawh chu eng zual zel tur kan ni. Chutiang karah pawh chuan rinawmna leh takna nena i nun a ngai a ni, mi te pawhin, “Arsi i ni!” an tih theihna tur chein. Chu chhia leh ṭha hriatna hlimna aṭanga lo kal chu en kan a har ṭhin a ni. 

Hetiang hian, “Hlim ka duh a, boruak chu la ṭha lo deuh mahse engtin nge ka chhia leh ṭha hriatna hi thiang takin kan vawn nun ang?” Sam 32:1-2 ah chuan, “A bawhchhiatna ngaihdama awm a, a sualna hliahkhuha awm chu, a eng a thawl e. Mi, Lalpan khawlohna neia a ruat lohva, A thlarauva tihderna rêng rêng awm lova chu, a eng a thawl e.”

Heng thil pathum hlimna, lawmna leh chawlhna te hi tu te pawhin kan nunah hian kan zawng ṭheuh maia. Hlim kan duh vek a. Nun pawh nuam taka chen kan duh a. Kan tawrhna aṭanga hahchawlh te pawh kan duh a ni. Bible chuan thianghlimna aṭangin engkim a lo kala, chu thianghlimna chu Pathian ngaihdamna a a khawngaihna kaltlanga kan neih a ti a ni.

Engtin nge i chhia leh ṭha hriatna chu i vawn ang le?

Zing thawh leh mut dawn apiangin thlarau lam inbuatsaih nan hmang la. Pathian chu bia la in inkar thil zawng zawng hrilh vek ang che, tichuan thil dang chu i ngaihtuah chauh dawnnia.

 “Kan sualte thupha kan chawi chuan kan sualte ngaidam tur leh kan fel lohna zawng zawng tlengfai turin amah chu a rinawmin a fel a ni.” 1 Johana 1:9.

Ngaihtuah zui atan

Vawiinah hian i chhia leh ṭha hriatna chiang taka hmang thei turin engtin nge Pathian i dawr ang?

Ni tin hian thlarau lamah hma i sawn theihna turin engtin nge i nun hi i siam ṭhat ang?

Isua Krista tana “eng tak” ni turin eng tin nge i nun i hman dawn? Kristaa i hlimna chuan khawvel dang zawng chu engtin nge a sawi le?

[Lettu: Sangpuia]

Post a Comment

0 Comments