Ticker

10/recent/ticker-posts

CHAMPHAI LEILET HMUN HUMHALH CHUNGCHANG SAWIHO

Aizawl | June 21, 2022: Nimin khan Pu Lalruatkima, Land Revenue & Settlement Minister leh Pu TJ Lalnuntluanga, Minister, EF&CC etc te hovin Agriculture Department hotute leh Land Revenue & Settlement Department hotute nen Champhai District chhunga WRC ram (Champhai Leilet Area) humhalh chungchang ngaihtuah leh sawiho a ni a. He WRC humhalh chungchang hi Minister pahnih te kaihhruaiin vawi engemaw zat sawiho a lo ni tawh a ni.
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
 
Meeting hmasa lamin a lo rel tawh angin, Champhai Leilet Area hi a hmuna enfiah tawh a ni a, Enfiahna ah hian Director, Land Revenue & Settlement Deptt. chu Convener niin, Agriculture lama thawktute leh NGO Coordination Committee te leh Nature Conservancy aiawhte pawh an tel bawk a ni.

He Spot Verification/Enfiahna Report hi vawiin Meeting ah hian zirho leh niin, Champhai Leilet Area hi Special Economic Zone (SEZ) a puan tura ruahman nise tih a ni a, nikum (2021) July khan Land Revenue & Settlement chuan Champhai Leilet Area chhunga Agriculture lam hmalakna nilo chu engmah hmalakna dang kalpui phal a nih loh thu pawh Order hmangin a lo chhuah tawh bawk a ni. Champhai Leilet Area hi 606.66 Hactare a zau a ni. Helai Leilet Area chhunga Pass lo neisa te chu an Pass neih mila siamrem sak tum a ni bawk.

Sawrkarin heti zawnga hmalakna a kalpui chhan chu, Champhai Leilet Area chhungah insak leh thil dang atana hmalakna, Sawrkar phalna ni si lova kalpui a tam bakah, Lo neia eizawngtute hma khua ngaih vang liau liau a ni a, hetia hmalak a nih loh chuan nakin zelah Loneitute tan eizawnna tur hmun hma a awm loh a hlauhthawn vang a ni.

He meeting ah hian Secretary, Land Revenue & Settlement Department leh Land Revenue lam thawktute leh Agriculture lama thawktute an tel bawk a ni.
 
 
 
- DIPR
Post i hmuh dan

Post a Comment

0 Comments