Central YMA-in Silchar mipui tuilian tuarte tan tui thianghlim case sang khat chuang thawn


Aizawl | June 26, 2022: Tun hnaia kan ram thenawm mai Silchar, Assam leh a chhehvela mipuiten tui lian nasa tak an tawrh avanga tuithianghlim in tur an tlakchham nasat zia hriain Central YMA chuan tui thianghlim (Pakage drinking mineral water) Litre 15000 zet mai chu vawiin Pathianni Ni 26.6.2022 chawhnu lam dár 1:30 khan City Park kawt atangin Silchar lama phurh thlak turin Central YMA President Pu R. Lalngheta'n a vai liam.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Central YMA chuan Silchar mipuite mamawhna sang tak hriain nizan lam khan tuithianghlim thawn thlak tur hi an rel chawp chilh thut a, hmala zui vatin tui thianghlim in tur thawh thei Branch YMA, pawl leh mimal te sawmna siam nghalin vawiin khan a remchang thei ang ang an thawn thla nghal chuk chuk a ni.

Branch YMA 31 atangin tui case 696 an dawng a. Central YMA in case 100 bakah SBI Officers Association of Mizoram ten Case 200 an thawh bawk a. Tin, Branch YMA thenkhat pawisa fai thawh te hmangin case 170 an lei belh bawk a, mimal thawhte nen a vaiin vawiina an thawn thlak hi Case 1183 lai niin, Litter 15000 vêl zet a ni. Motor lian 3 leh a te deuh zawk 6 bakah hruaitute kalna lirthei 2 nen, lirthei 11 leh mihring 24 ten tunah hian Silchar an pan mek a ni.

Central YMA ten Silchar mipuite tana an tui thianghlim ken thlak hi Silchar Branch YMA hruaitute bakah Kolasib Sub Hqtr. YMA hruaitute leh Kolasib DC te nena tangkawpin Cachar DC hnena zu hlan dan tur buatsaih a ni a. Assam lam Sawrkar pawhin Ministry level-ah Official-te nena lo dawnsawn an tum thu hriat a ni bawk.

Tunah hian Silchar-ah hian tui lian in zia awm lam pan tawh deuh mahse, Silchar-a Mizoram House leh hmun dang dang tuiin ala chimna lai hmun engemawzatah a la awm a. Tui thianghlim in tur tlachham in lei tur pawh an hmu zo meuh tawh lo a ni. Lei tur awm chhun pawh litre 1 ₹80/- te a ni mek a, an khawngaih thlak tak zet zet a ni.















[News update awlsam taka i dawn theih nan telegram channel hi lo join ve ta che https://t.me/exploremizoramchannel ]





(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)




No comments

He post chungchanga i ngaihdan lo sawi ve rawh:

Powered by Blogger.