TLIN NIA I INHRIAT CHAUH I TI THEI ANG

 Rick Warren

- May 11, 2022

“Pathianin mi pek khawngaihna avang hian in zingah tumah in inngaihhlut tawk a liama inngaihlu lovin, Pathianin mi tin hnena rinna tawk a pek ang zelin fel taka ngaihtuah zawk turin ka ti ṭheuh a che u.” Rom 12:3

I nuna thlak danglam ngai hmasa ber leh a lian ber chu chapona hi a ni. Chapona chuan i nun thlak danglamna turah a dal ṭhin che a ni.

Mahse, a dik tak chuan, tute pawh hian danglamna hi kan mamawh a ni. Tuman engkim a neisa vek lo. Kei pawhin ka nei vek lo. Nang pawhin i nei vek lo. Khawvela i mi ngaihsan ber pawhin a nei kim vek chuang lo.

Bible chuan khawvelah hian Pathian Thu tih loh chu engmah famkim a awm lo a ti a ni. Sualna avangin he leia thil engkim hi a kehchhe zo tawh a ni. Tute mai pawh hi midang tihlawm tumin kan phiruai mai a. Engkim nei ang maiin lem kan chang ṭhin a nih hi.

Nun danglam tlo tak neih i duh chuan, nangma ngaihtuahna kha a tlawm hmasak phawt angai a – thil engkim hi i nei kim veklo tih i inpawm angai bawk a ni. I chapona chu i dahṭhat phawt angai, tichuan sum leh pai, hriselna leh i nunah thil tamtakah harsatna i nei a ni tih hi i pawm angai bawk a ni.

Rom 12:3 ah chuan, “Pathianin mi pek khawngaihna avang hian in zingah tumah in inngaihhlut tawk a liama inngaihlu lovin, Pathianin mi tin hnena rinna tawk a pek ang zelin fel taka ngaihtuah zawk turin ka ti ṭheuh a che u” a ti a ni.

Achang chuan midang ṭanpuia tello chuan nangma dinhmun diktak i inhre thei lo ṭhin. I dinhmun diktak hrilh tur chein midang i zawt ngam em? Nangmah hnaih deuh tu che hnenah, “Khawi laiah hian nge danglam ka mamawh?” tih i zawt ngam em?  

Nangma dinhmun diktak chu engvangin nge i hriat a ṭul? Nangman ti thei nia i inhriat chauh i tlin dawn avangin.

I rinna i teh thiam loh chuan, rinnaah i ṭhang thei lo vang. I hriselna dinhmun i hriatchian loh chuan hriselna kawngah hma i sawn thei lo vang. I sum leh pai dinhmun i hriatchian loh chuan, sum leh pai hmanchhuahna tur pawhin ruahmanna i siam ngam lo vang. Thlarau lamah emaw kohna lamah emaw inlaichinna chungchangah a ni emaw i dinhmun i hriattheih si loh chuan, chutiang kawngah te chuan i ṭhang thei lo vang.  

Nun danglam nei tak tak turin i inpeih em? A hmasa berah chuan i chapona dahṭha la, tuna i dinhmun tak hi inen ang che. Chumi hnuah chuan engkawngah te nge ṭhan i ngaih tih i inhre thei ang.

Ngaihtuah zui atan

* I nunah tute nge inhawng tak leh tlang taka i titi pui theih? 

*I nunah ruahmanna mumal tak i siam theih nan i eng laia hi nge in bihchian i ngaih?

* I nunah i ṭhanna leh hmasawnna engte nge chhut let theih i neih?

*[Lettu: Sangpuia]*