Ticker

10/recent/ticker-posts

Siampuii Ralte music video thar a hnai

Aizawl | May 6, 2022: A zirlai a beih ngawrh vanga rei tak a reh hnuah Mizo Zaithiam hmelṭha leh ngaihnobei Siampuii Ralte chuan Music video thar a nei thuai dawn.


He music video chhuah hun tur zawhna chhangin Siampuii Ralte chuan, "Tun thlaah tihchhuah hman kan tum," tiin EXPLOREMIZORAM.COM a hrilh.


Siampuii Ralte Music video thar tur hi single niin, a hla hming chu 'Lenglerh' tih a ni. He hla hi Asanga phuah a ni a, Siampuii Ralte original music video hmasa ber 'Lunglawm tikimtu' hla phuahtu tho kha a ni.

Music hi westend studio kutchhuak niin, Music video hi Anthony Wowv in a khawih a, Script pawh amah vek hian khawihin, Director hi Billywaif a ni thung. Sawi hmaih theih hauh loh chu he music video shootna atana storyboard hi Green rocket aṭanga hriat hlawh Tommy (Lil toto tia hriatlar) in a ziah a ni.

Lenglerh-ah hian Timothy Jahau kan hmu dawn a, Mizo Biker girls tibiker girls-tu Dadiki a inlan dawn bawk a ni. Hemi bakah hian mi dang an lan nual dawn bakah Siampuii Ralte pawh a inlan ang.


Music Video hmuhnawm leh en hlawh tur hi Aizawl khawpui hmun hrang hrangah an shoot a, thlirtute mit leh beng titlai turin theihtawp an chhuah mek a ni.


BONUS PIX:





Post i hmuh dan

Post a Comment

0 Comments