MZP-in Pukzing ram sahthlak tumna dodal dawn

Aizawl | May 18, 2022: Vawiin May ni 18, 2022 (Nilaini) khan Mizo Zirlai Pawl (MZP) General Headquarters President, Pu Lalnunmawia Pautu leh hruaitute dangte chuan Mamit District a Pukzing khua an tlawh.



MZP thuchhuahin a tarlan danin, MZP hruaituten Pukzing khua an tlawh chhan hi, tunhnaiah Mizoram sorkarin Pukzing Village Council ram satthla a, a chhehvela Chakma khua, Silsuri, Hnahva, Hruiduk, Bekabeki leh Tuikuk khua Pukzing Vengthar te hnenah pêk a tum vang a ni.  

Pukzing ram sahthlak chungchang hi MZP, Pukzing VC leh YMA hruaitute nen sawiho nghal niin, Pukzing khawtlang hruaitute chuan VC ding tharte hnenah an khaw ram sahthlak an phal loh thu leh a tawp thlenga an do tur thu te, No objection pawh an sign dawn loh thute leh sorkarin a pe lui a nih chuan thisen chhuah hial pawh an hreh dawn loh thute an lo sawi a. MZP General Headquarters hruaitute pawh a ṭul anga thawhpui turin Pukzing VC te chuan an lo sawm nghal a ni. MZP hruaitute leh Pukzing khawtlang hruaitute chuan Tuikuk leh chakma khuate tana VC thar siam a nih avanga ram sahthlak a nih loh nan a ṭul anga hmalak ho zel ni se an ti a ni.

MZP chuan kan ram, kan hnam a him theih nana theihtawp chhuah a, hma a lo lâk tawh chu a chhunzawm zel  dawn a. Hnam dang lakah kan ram kan chan zel loh nan leh kan ram a him zel theih nan hnam dangte tana ram sahthlak sak lo turin thuneitute kan ngen nghal bawk a ni. Hnam dangte ram sahthlak tumna hi tih tlang a nih chuan a tawp thlengin MZP chuan a dodal zel dawn a ni, tiin thuchhuah siamin an tarlang.






No. E-93/MZP-GHQ/2021-2023/31                    Dated Aizawl, the 18th  May, 2022

PRESS RELEASE

Vawiin May ni 18, 2022 (Nilaini) hian MZP General Headquarters President, Pu Lalnunmawia Pautu leh hruaitute dangte chuan Mamit District a Pukzing khua an tlawh a. MZP hruaituten Pukzing khua an tlawh chhan hi, tunhnaiah Mizoram sorkarin Pukzing Village Council ram satthla a, a chhehvela Chakma khua, Silsuri, Hnahva, Hruiduk, Bekabeki leh Tuikuk khua Pukzing Vengthar te hnenah pêk a tum vang a ni.  

Pukzing ram sahthlak chungchang hi MZP, Pukzing VC leh YMA hruaitute nen sawiho nghal niin, Pukzing khawtlang hruaitute chuan VC ding tharte hnenah an khaw ram sahthlak an phal loh thu leh a tawp thlenga an do tur thu te, No objection pawh an sign dawn loh thute leh sorkarin a pe lui a nih chuan thisen chhuah hial pawh an hreh dawn loh thute an lo sawi a. MZP General Headquarters hruaitute pawh a ṭul anga thawhpui turin Pukzing VC te chuan an lo sawm nghal a ni. MZP hruaitute leh Pukzing khawtlang hruaitute chuan Tuikuk leh chakma khuate tana VC thar siam a nih avanga ram sahthlak a nih loh nan a ṭul anga hmalak ho zel ni se an ti a ni.

MZP chuan kan ram, kan hnam a him theih nana theihtawp chhuah a, hma a lo lâk tawh chu a chhunzawm zel  dawn a. Hnam dang lakah kan ram kan chan zel loh nan leh kan ram a him zel theih nan hnam dangte tana ram sahthlak sak lo turin thuneitute kan ngen nghal bawk a ni. Hnam dangte ram sahthlak tumna hi tih tlang a nih chuan a tawp thlengin MZP chuan a dodal zel dawn a ni.

Sd/-
(JACOB LALMUANPUIA)
General Secretary

Post a Comment

0 Comments