MIHRING HLUI HLIPA, A THARA INTHUAMIN

 *MIHRING HLUI HLIPA, A THARA INTHUAMIN*

- Rick Warren

- May 10, 2022



“In hmanlai awmdan kawnga mihring hlui, bumna chakna anga chhe deuh deuh kha hlip thla ula, mihring thar, thutak felna leh thianghlimnaa Pathian anga siam khan inthuam bawk ula.” Ephesi 2:22-24.


I nunah danglamna tlo tak neih i duh chuan, i taksa aṭanga i ṭan angai a, i rilru pawh i taksa peng tho a ni. Tichuan i nun thlak tur chuan i ngaihtuah zawng i thlak angai a ni,


Rom 12:2 ah chuan, "He khawvel dan ang hian awm suh ula; Pathian duhzawng, a ṭha leh lawmtlak leh, ṭhat famkim chu in hriatfiah theih nan, in rilru a thara awmin lo danglam zawk tawh rawh u” a ti.” “Danglam” tih laia hi Greek ṭawng lamah chuan “metamorphosis” tih a ni a. Metamorphosis chu pangang phengphehlepa a channa dan hi a ni mai awm e.


Pangang chu a buhchium ah a awm phawta, chumi aṭang chuan a lo vak chhuak ta ṭhin a ni. Chuta ṭang chuan a lo danglam ta – pangang tha zawk ah ni lovin, thilnung dang daihah a lo chhuak ta a ni. Chu chu hmasawnna a ni lova. Danglamna nasa tak a ni zawk! Pathian chauhina a tih theih a ni.


Ephesi 2:22-24 ah chuan, “In hmanlai awmdan kawnga mihring hlui, bumna chakna anga chhe deuh deuh kha hlip thla ula, mihring thar, thutak felna leh thianghlimnaa Pathian anga siam khan inthuam bawk ula,” a ti a ni. 


Thil hlui hlipa, a thara inthuamna hi a awm ve hrim hrima. I rilruah chuan thil hlui chu bansana thil la tih ngai loh thil thar te pawh tih duhna i nei ṭhin a ni. Rilru chhia leh midang tihnat duhna thinlung chu paih la. Krista i an theihna tur thil te chu enin ngaihtuah zawk ang che.


Rilru thar nei tur chuan, i mihring hlui zia chu a thar inbel hmain i hlih phawt angai a ni. Dawrah coat thar lei tur lo ni ta la. Pakhat tal chu hak chhin i duh ang, mahse coat hak lai mek i neih chuan, a thar i inbel hmain a hlui chu i hlih phawt angai a ni.


Chutiang chiah chu thlarau, rilru leh ngaihtuahnaah pawh a ni. Ephesi 2-na kha i en leh teh ang. Bible chuan, “In hmanlai awmdan kawnga mihring hlui, bumna chakna anga chhe deuh deuh kha hlip thla ula” a ti a. “Mihring hlui” zia chu loh theih lova thil diklo lama min hruai ṭhintu a ni a.   


Chu taka chu, “In rilru a thara awmin lo danglam zawk tawh rawh u” min tihna chhan pawh a ni. Rilru chu ‘diaper’ ang hi a ni a, a ṭul dan a zira thlak a ngaih chang te pawh a awm a ni, a nih loh chuan a rimchhe mai dawn a ni.


I mihring hlui zia leh rilru i paih hnuah chauh “mihring thar, Pathian anga felna tak tak leh thianghlimnaa inthuamin” i awm thei ang.


Vawiinah hian thlak danglam ngaiin i awm em? Nun danglam chu rilru danglam aṭangin a inṭan a ni tih hrereng ang che.  


Ngaihtuah zui atan


* Rilru danglamna chuan nun danglamna a ṭha zawngin emaw a chhe zawngin emaw a thlen tih engtin nge kan hriat? 


* Ephesi bung 4-a kan hmuh angin engte nge i “mihring hlui” zia, i rilru aṭanga i paihbo ngai chu le?


* I “mihring thar” i rilrua i inthuam ngai chu engnge ni le? Engang chin dan thar nge i sengluh theih ang le?


*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post