India President-in Mizoram rawn tlawh dawn; MZU convocation hmanpui dawn

Aizawl | May 4, 2022: India President Ram Nath Kovind chu Mizoram a rawn tlawh vawi 2na atan naktuk khian Aizawl a lo kal dawn.

Prssident hi nimin atang khan Assam state ah hun a hmang.

President hian naktuk chawhma dar 11 leh minute 25 ah Lengpui Airport a lo tum ang a. Chawhnu ah MZU convocation a hmanpui ang.

| President ram nath Kovind @ Mizoram Assembly | File Photo |


Programme duan fel tawh angin President lo zin tur hi Lengpui Airport alo tum zawhah Helicopter-in Thuampui Helipad a pan ang a, Helipad atang hian motor-in Aizawl Raj Bhavan a pan dawn a ni. 

Hemi ni tlai lam dar 4 atanga dar 5 inkarah Mizoram University Convocation hman puiin zan dar 7-ah Raj Bhavan-a Cultural Programme Mizoram Governor Dr Hari Babu Kambhampati buatsaih a hmanpui anga, Raj Bhavan ah hian zan riakin, a tuk zing dar 10:45 ah Mizoram chhuahsanin Delhi a pan leh dawn. 

(With AIR News Inputs/ File Photo)

Post a Comment

0 Comments