Fashion Affinity Ambassador Emma Lalnunsiami


Fashion Affinity in Brand Ambassador atana an thlan Emma Lalnunsiami hi i lo hmelhriat ve tawh em?


Emma tia koh ṭhin Emma Lalnunsiami hi Lalenkawli leh Lalnunenga te fanu niin September 27, 2000 khan a piang a. Hliappui khua niin, tunah hian Durtlang, Aizawl-ah chengin an khawsa a, Salvation Army a lawi an ni.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Emma hi unau pali zinga upa ber niin, an unau hi mipa 2 leh hmeichhia 2 an ni.

Emma hi ft 5'5 a sang niin, badminton, music instrument play te chu a nuam tih zawng a ni.


EXPLORE MIZORAM zawhna a chhanna te i lo thlir ang.
• Zirna lam: 
- HSSLC hi Jharkhand Higher secondary ah 1st ah ka pass a, B.Sc botany hi University Meerut Jharkhand ah 1st ah ka pass bawk.

• I duhzawng leh ngainat zawng hrang hrangte?
√ Lehkhabu duh: He come to set the captives free
√ Actor/Actress: tom cruise & Jennifer Aniston
√ Zaithiam: Steve Lee
√ Chawhmeh: Mizo bai
√ Hla: the story by  Dolly Parton
√ Hmun: Hmun reh 
√ Rawng: Black
√ Ziaktu: Rebecca Brown


• Mize ngainat zawng: Mi rilru tluang leh mi hlim thei 

• Mize ngainat loh zawng: mahni hmasial leh mi chapo, mi bum hmang

• Kawppui tura duhzawng?: 
- Mipuitling tak Pathian tih mi leh zaidam

• Relationship status: Single


• Beauty Contest i telna:
- Fashion Affinity Miss Global Bharat 2022

• Engtia tel nge i nih?
- Ka thianu Ananta Dewagan tuna Interior designing zir mekin ama hming a thehluh rualin min hrilh hmasa lemlo in ka hming alo theh lut ve a, ahnu ah min hrilh chuan aruala tel tur ka nih avangin apawi ka lo ti biklo a kan tel dun ta a ni.

• i thlen chin:
- Nikum 2021 khan Competition hi Chhattisgarh ah neih niin Final ka lut ve hlauh a, kum in april khan final hi Goa a neih leh niin hetah hian title pahnih Best Walk leh Brand Ambassador hi ka dawng ve a ni.

• Fashion Affinity ambassador i nih dan:
- Competition tan atangin kan miza, kan nungchang kan style leh table manners thlenga enthlak vek kan ni a, tin Q@A round a kan chhan na nen heng zawng2 an endik hnu ah hian Brand Ambassador ni tura thlan tlin ka lo ni ta a ni.


Min zawhna leh ka chhanna te
1. If you could give your younger self one piece of advice what would that be?
Ans: To my younger self Be kind to yourself, always know your worth. The world is bigger than you think it is and your worries isn’t important as you think they are, just be you i want you to be proud of yourself you did your best with what you knew and Loving yourself will become your super power. I Love you

2. What does it mean to be a modern woman 
Ans A modern woman is anyone who is living in the now, who questions, who asks, challenges, who stands up for her rights and for others Every woman success should be an inspiration to another we’re strongest when we cheer each other on.

• Fashion Affinity ambassador i niha i mawhphurhna leh i tana hamṭhatna awm theite:
- Brand Ambassador ka niha ka mawhphurhna thenkhat te Fashion Affinity kal tlanga show tam tak siam mekah a theih chen chenah ka inlan a ngai, chungah chuan sharing leh a tel tharte an kal leh zelna tura thurawn pek leh kawng kawh hmuh, an mahni kaltlanga sawmna hrang hrang ka dawnte bawh zui zel.
Fashion Affanity kaltlang hian hamthatna tam tak ka dawng tawh a, international thlenga kal tura sawmna min chhawpchhuah sak bawkin show leh event a kalna tur an kaltlang hian ka dawng reng bawk a ni.


• Miss Mizoram emaw Miss India emaw lamah te inlan tumna i nei em?
-  Tum lem lo.

• Modelling lam hi i tui reng em?
- Modelling lam hi ka tui ngai lem lo. Mahse, hetia mahniin han tawn chhoh takah hian a nuam ka ti!

• Tuna i thil tih ang tih Mizo hmeichhiate tan tih ve chi a ni ang em?
- Ni e, modeling lama tui mi tan hian chance tha tak niin ka hria, acting lama tuimi tan pawh chance a tha.

• Ti duh awm se, engtia tih chi nge?
- Fashion Affinity organiser in show an buatsaih leh dawna ngaihven a ni mai, keimah kaltlang pawhin a ngaihven theih reng a. Anni pui turin ka inhawng reng!


Zawhna dang:::
1. A tel lova i awm theih loh: chhungkua, Pathian

2. I nun kaihruaitu: Bible

3. Hringnuna i hlauh ber:  Pathian hawisana khawvel lama tlan

4. I tih ngai miah loh tur:
- Kristian-na kalsan leh midang te hnuaichhiah!

5. Mizo Tualzal nuna ṭha i tih:
- Mizo tlawmngaihna, kan kristianna leh kan culture 

6.  Quote i duh ber: The Truth Alone Triumph 


7. Mizoram leh Mizo tualzal nuna Mizo hmeichhiate dinhmun:
- Mizo hmeichhiate din hmun hi tun ai tha zawk la awm thei mahse atha thaw khat ka ti a,hmeichhiate tan Mizo nih tinuam tu pakhat ani ka ti.

8.  Hnam hmingthat leh hmingchhiat kawng ah Hmeichhiate’n mawhphurhna:
- Hnamdang zinga kan chetzia leh ramdanga kan khawsak dan ah hian thui takin Mizo hnam kan ti hmingchhia in kan ti hmingtha thei veve ani.
 
9. Hnam ziarang chawinun kawnga Hmeichhiate mawhphurna:
- Kan thiltih engkim ah leh kan awmna hmun a painng ah Ringtu kan ni tih hriat renga ringtu nun dan dika nun tlat hian mahni kan chhungkua, khawtlang leh hnam kan chawimawi a ni.


10. Mizote tan 'Fa neih tlem' inzirtir hi a ṭulin i hria em?
- Fa neih tlem inzirtir hi keini ang hnam la nopang ah chuan atul ka tilo, mahni In lum ah threuh mahni dinhmun in azir ang zela neih dan thiam inzirtir ni zawk se.

11. Mizo hnam ṭhanmawh bawk nia i hriat?
- Midang mit kan ven vanga risk kan lak ngam loh te, Pi leh Pu, Nu leh Pa in kan tu leh fa te mahni ruihchilh zawng ringawt fahlo a an tui na zawn a tuipuia kan thlawp thiamte angai tawh ka ti, tin thalai tum mumal neilo kan tam a, thalai mahni intodelh lo kan pungzel te hian kan hnam than lenna tur kawng tamtak ah adal ani.

12. Mizo hnam damna atana  kawng awm nia i hriatte?
- Naupan tet atanga kawngdik inzirtir ṭan, kan Mizo culture vawn nun a chawikan zel, Ram intodelh dan inziritir, Kut hnathawktu te thlawp tlat, Kohhran leh khawltang inrelbawlna thianghlim zawk neih zel theidan ngaihtuah.


13. Hnam chhan nana Hmeichhiate ṭangkaina leh mawhphurna?
- Hmeichhiate hi kan rilru alian in kan thiltawn leh dinhmun azirin mipa ai maha chhel zawk leh huai zawk chang kan nei thin, heihi hnam rilru pu kan nih ngat phei chuan tangkai taka hnam tana hman theih ani. 

14. Zirna, Khawtlang leh Kohhran hi?
- Engkim hi a in balance angai ka ti, zirna lama kal bing ltk vanga khawtlang leh kohhran thlauhthlak thrak te hi a mizo lo ka ti a, chutiang bawkin khawtlang leh kohhrana active member te hi zirnalama hma kan sawn hian mahni , khawtlang leh kohhran a lo hmingtha thin ani.


15. Khawtlang, Kohhran leh nangmah:
- Kohhran leh khawtlang ah hian ka theih chen2 ah ka inhmang ve a Durtlang Salvation Army ah Bial zaipawl ah te tel thin in Pathianin min hman duhna kawng ah theihtawp chhuah ka tum zel ani, Kan thatlai a kohhran khawtlanga kan inhman dan hi kan puitlin hnu thleng pawha kan thawnthu sawi ngaihnawm ber turte zing ami ani tih hriain ka thatlai hian kohhran leh khawtlang tan ka theihtawp ka chhuah zel ang.


16. Social Media leh Nangmah:
- social media hi trangkai taka hman theih ani tawha, keipawh hian ka hmang tangkaiin anuam ka ti chutih rual erawh chuan fimkhur taka hman angai ka ti thung

17. Mizoram ṭhalai tam tak tlakchham:
- Tlawmngaihna, Huaisenna, Inzahtawnna, Insumtheihna leh taimakna

18. Mizo ṭhalaite hian ngaihsan tur dik an ngaisangin i hria em?
- Tupawh lo ngaisang se an mi ngaihsan te thawhrim na kha ngaisangin entawn tel zel se chuchu apawimawh zawk ka ti

19. Ngaihsan tur dik nia i hriat:
-  kan thiltih kawnga phurna min pe a min fuih tu, tupawh kan mi ngaihsan ten engmaw tala keimahni ah hmalam pan ve chakna min pe thei a ahma aia tha zawk nihve chakna min pe thei te hi ngaisang thei zelila tha ka ti.


20. Hlawhtlinna tura pawimawh:
- tumruhna, huaisenna, dikna duh mi, beiseina neih tlat

21. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
- Rinna leh Politics hi a thianghlim hma chuan hei aia hma kan sawn theih hi ka ring lo.

22. Hnam dang nupui pasal neih hi - 
- Hmangaihte nei turin dikna kan nei threuh  duh thlanna pawh kan ta ani, mahse keichuan hnamdang pasal neih hi ka tumlo.

24. Nupui pasal neih hmaa mipat hmeichhiatna hman hi:
- Pathian duh loh zawng sual ania ringtu te tih atana mawilo a ni.


EXPLOREMIZORAM.COM i hmuh dan:
Explore mizoram hi a tha ka ti a, Mizo leh Mizo te kan in bengvar tawnna atan a platform pawimawh ber te zing ami a ni ka ti.





[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)





Post a Comment

0 Comments