Ticker

10/recent/ticker-posts

Aizawl District Disaster Management Authority (ADDMA) leh Aquatics Association of Mizoram-in tui tla chhan/chhar dan inzirtirna buatsaih

Aizawl | May 19, 2022: Aizawl District Disaster Management Authority (ADDMA) leh Aquatics Association of Mizoram te ṭangkawp chuan 16th May, 2022 aṭanga 19th May 2022 thleng (Ni 3) chhung awh 'Water Rescue and Retrieval of Drowned Victims Training' chu Aquatics Association of Mizoram te swimming pool, ITI Veng, Aizawl-ah an buatsaih.



He hunah hian Tui tla chhan leh chhar dan inzirtir a ni a. He Training-ah hian Quick Response Team (QRT) ADDMA te bakah Aizawl District chhunga tui hnaih khua, khaw 9 aṭanga volunteer te Training pek an ni.

Training ah hian tui tla in chhan dan te, tui tla ruang zawn dan te, chhanchhuaktu tana chetlak dan tur pawimawh te, scuba gear hmanga tuichhung luh dan te zir a ni. 

Training pe tute hi Pu Darthantluanga, Sairang, Pu H.Lalhruaizela Coach, Aquatics Association of Mizoram leh Pu Benjamin Malsawmkima, Sairang te an ni.

Training kharna hi Dr. Lalhriatzuali Ralte, IAS Deputy Commissioner, Aizawl leh Executive Members, Aquatics Association of Mizoram te’n an hman pui a. Deputy Commissioner hian khaw hrang hrang aṭanga training rawn tel te hnenah life jacket hlan na a nei bakah, mahni awmna hmun ṭheuh ah chhiatna tawkte ṭanpui tura theih tawp lo chhuah ṭheuh tur leh mahni taksa te ruitheihthil laka in vawng uluk turin a chah a ni.











Post i hmuh dan

Post a Comment

0 Comments