FEATURE | Miss Chapchar Kut 2022 Nunpuii Renthlei

Miss Chapchâr Kût 2022 Nunpuii Renthlei kan belchiang.



Diktawn Miss Chapchar Kut 2022 Nunpuii Renthlei hi a laiah hming chu Vanlalnunpuii  niin, Puipui emaw Nunpui emaw in an ko ṭhin.

Nunpuii Renthlei hi Vanlalliani leh R Lalremruata te fanu niin, September 7 a piang a ni. ITI Veng, Aizawl-ah chengin, Presbyterian Kohhranah an lawi.

Nunpuii Renthlei te unau hi pali niin, Mipa 1 leh hmeichhe 3 an ni a, ani hi a upa ber dawttu a ni a, Ft 5'5 a sang a ni.



Nunpuii Renthlei-in EXPLOREMIZORAM.COM zawhnna a chhannate i lo thlir ang.

Zirna lam:
- Pawl 10 hi Golden Harvest aṭangin ka pass a, thil dang ka zir san avangin ka chhunzawm lova, tunah hian zirna chhunzawm leh ka tum mek.

I duh zawng leh ngainat zawng:
Lehkhabu duh: Literary Fiction
Actor: Lee Min Ho
Zaithiam: Pi Vanlalruati
Chawhmeh: Alu
Hla: Duh ber sawi mai tur ka hrelo
Hmun: Lui kam te Tlang leh mipui zi nuai² leh thawm ri hriat phak loh na
Rawng: A hring💚
Ziaktu: Pu Lalhmachhuana Zofa


Mize ngainat zawng: Mi rilru zau, mi hlim thei, dawhtheihna ngah

Mize ngainat loh zawng: Mi ni zawk zawk lo, mahni hmasial leh mi chapo.

Kawppui tura duhzawng:
- Mi tawng tam lutuk lo, dawhtheihna ngah em em, ka duhzawng leh ngainat zawng min zahsak a, min tuipui theitu tur leh kawng engkima min tawiawm theitu tur.


Relationship status: Single

Aim in life: Fashion Designer

Miss Chapchar Kut 2022 nominee-ah dah i ni tih i hriat leh Miss Chapcharkut atana thlan i nih a i rilru put hmang leh i awm dan?
- Miss Chapchar Kut thlanna a tel tura ka kal khan ka tlin ka beisei lo hrim hrim a mahse beisei loh takin ka lo tling chho ve zel a Miss Chapcharkut nih hi ka inbeisei lo a Pathian malsawmna tak meuh meuh a ni. 


Miss Chapchar Kût 2022 nih hi i inring reng em?
Miss Chapchar Kût 2022 nih hi ka inring lo. 

Miss Chapchar Kut hi thlan zel chiah I ngai em?
- Miss Chapchar Kut thlan dan hi a zahawm ka ti a, thlan zel tlakah ka ngai.

Modelling lam hi i tui reng em?
- Modelling lam hi ka tui hran lo.


ZAWHNA DANG:
1. A tel lova i awm theih loh: Ka chhungte leh ka Phone

2. I nun kaihruaitu: Ka lei Pathian ka nu leh pate

3. Hringnuna i hlauh ber: Ka mi hmangaih te chan

4. I tih ngai miah loh tur: Pasal neih hma a mipat hmeichhiatna hman

5. Mizo Tualzal nuna ṭha i tih: Tlawmngaihna

6.  Quote i duh ber:
Mi tichak tuah chuan engkim ka tithei a ni.


7. Mizoram leh Mizo tualzal nuna Mizo hmeichhiate dinhmun:
- Tun dinhmuh ah hi chuan Mizo Hmeichhiate kan dinhmun a ṭha tawk rih viau chuan ka hria.


8. Hnam hmingṭhat leh hmingchhiat kawngah Hmeichhiate'n mawhphurhna:
- Hnam hmingthat leh hmingchhiat kawngah hian hmeichhiate hian kan zahawmna hi kan humhim a pawimawh hle in ka hria.


9. Hnam ziarang chawinun kawnga Hmeichhiate mawhphurna:
- Kan inchei dan kan nungchangah te mi kan va dawr dan te hi kan uluk in kan fimkhur a pawimawh a mahni hnam dah san thiam te hi kan mawhphurna lian tak niin ka hre bawk.

10. Mizote tan 'Fa neih tlem' inzirtir hi a ṭulin i hria em?
-Kan tun dinhmunah chuan a tul in ka hrelo Mizo te hi hnam tlem te kan nih avang leh hnam boral thei mai kan nih avangin  fa neih tlem inzirtir hi a tulin ka hre lo.

11. Mizo hnam ṭhanmawh bawk nia i hriat?
- Aia upa zahna kan tlachham tawh em em a kan hnam ngaihsan nachang kan hre tawk tawh lo a Ruihtheihthil a kan fihlim lo lutuk te hi kan hnam thanmawh bawk niin ka hria.

12. Mizo hnam damna atana  kawng awm nia i hriatte?:
- Dikna leh Rinawmna leh Hnam inpumkhatna te hi kan hnam dam nan a pawimawh hle in ka hria.

13. Hnam chhan nana Hmeichhiate ṭangkaina leh mawhphurna?
- Mizo hmeichhiaten mahni hnampui ngaihsan a hnam dang laka kan zahawmna te humhim in kan hnam dah sang thiam ila Mizo mipa ngei pasal a neih intih hmuh te hi Mizo hmeichhiate mawhphurhna lian tak niin ka hria.


14. Zirna, Khawtlang leh Kohhran hi?
- Zirlai tan chuan zirna hi a pawimawh ber a kan dah pawimawh ber tur anih rualin Kohhran leh Khawtlang te ngaihthah phah nan hmang lo ila kan zirna kan dah pawimawh ang bawk hian Kohhran leh Khawtlang kan dah pawimawh a kan ngaihhlut thiamba tha hlein ka hria.

15. Khawtlang, Kohhran leh nangmah:
- Khawtlang leh Kohhran ah chanvo min pek thin te ka ngai pawimawh a tih hlawhtlin ngei ka tum thin a ka hman remchan chuan ka theih ang tawk chuan ka inhmang ve.

16. Social Media leh Nangmah:
- Social media hian kawng tam tak ah min pui nasa em em a a tha ka ti a a hlimawm ka ti bawk a a hlawk thlak hle in ka hria.

17. Mizoram ṭhalai tam tak tlakchham:
- Aia upa zah leh thil tih tak tak peih na leh insumtheihna kan tlachham niin ka hria.

18. Mizo ṭhalaite hian ngaihsan tur dik an ngaisangin i hria em?
- Midang te ngaihsan tur zawngah chuan kan sawi  sawi theih a awmin ka hrelo a, mahse, kan ngaihsan tur zawngte thlang thiam in thlang uluk ila a pawimawh hle in ka hria.

19. Ngaihsan tur dik nia i hriat:
- Mihring chu famkim kan awm lo a mahse mahni mawhphurna ngai pawimawh a dikna leh rinawmna te leh Pathian thu a taka nunpui tute hi ngaihsan tlak niin ka ngai.

20. Hlawhtlinna tura pawimawh:
- Tih tak tak peihna nun leh tumruhna te leh tawrhchhelna leh rinawmna te hi a pawimawh hle in ka hria.

21. hloh i hlauh ber:
- Ka hmangaihte leh min hmangaih tute.

22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
- Tum tak tak na kan neih chuan theih lohna awmin ka hre lo.
    Chutiang tur chuan hnam bil leh chi bil a inthliar hranna te hi bansan ila tun ai hian kan hnam hi hmangaihin ngai pawimawh deuh deuh ila; inlungrualna leh inpumkhatna te hi a pawimawh hle in ka hria.


23. Hnam dang nupui pasal neih hi:
- Hnam hmangaih tak takna rilru leh thinlung pu mi tan chuan thil theih loh leh thiang lo burah ka ngai.

24. Nupui pasal neih hmaa mipat hmeichhiatna hman hi:
- Pathian pawisawina lian tak ani a nupa nih hnuah kawng tam tak ah a thalo zawngin nghawng a nei nasa a in rintawn lohna te inthenna hial te a thlen phah thin.


EXPLOREMIZORAM.COM i hmuh dan:
- A hmasa berah chuan EXPLORE MIZORAM te hi in fakawm ka ti a Mizoram hmun hrang hrang a mawizia in rawn pholang thin te hi a tha ka ti em em a  chumi mai bakah  Mizoram a thil thleng hrang hrang thalaite tana hriat awlsam zawk tura in rawn tarlang thin hi a tha ka ti a hei hi chhawmnung zel tlak niin ka hria.
Chuan EXPLOREMIZORAM.COM te ka ngaihdan leh vei zawng te sawichhuah na hun tha tak min pek avangin ka lawm em em bawk a Explore Mizoram te in kal zel na tur ah duhsakna ka hlan a cheu.
Ka lawm e!




Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments