Ticker

10/recent/ticker-posts

MZP-in World Book Day hmang

Aizawl | April 23, 2022: Vawiin April ni 23, 2022 (Inrinni) Chhun dar 12:00 hian MZP Conference Hall-ah MZP General Headquarters, Aizawl buatsaih, World Book Day programme hman a ni. He hun hi Pu Andrew F. Lalramnghaka, MZP Vice President chuan kaihruaiin, Pu L. Thangmawia MLA, Vice Chairman HRD Board chu khuallian a ni.



MZP president Lalnunmawia Pautu  chuan thu sawiin, "Thalaiten social media kan khawih nasat avângin lehkhabu leh lehkhabu ziaktute ngaihhlutna châng kan hre tawh lo a. UPSC hnuaia  All India Service leh Central Service exam-ah Mizo zirlaite kan tlin tam theih nan kan chhehvela lehkhabu kan chhiar tam a pawimawh zual hle a.  Lehkhabu chhiar pawimawhna leh Ziaktute pawimawhna kan hriat tharna hun pawimawh tak a nih beiseiin vawiin hian MZP chuan World Book Day hi hmang kan ni," a ti.

Pu Lalnunmawia Pautu chuan, "MZP hi zirlaite tana ding kan nih rualin kan hnam culture leh tradition vawn nun zel kan duh a. Mizo thalai Literature lama tuite chawimawi leh zahna lantir hi kan duh ber a ni a.  Chutiang tur chuan hma kan la chhunzawm zel dawn a ni," a ti bawk.

He huna thusawitu khuallian Pu L. Thangmawia chuan, "Hnam fing leh mifing apiangin lehkhabu an chhiar nasain an ngaihlu a. Chhiar tam na na na chu kan thil tihna hrang hrangah thulak nan kan hmang tlangpui a. Hemi kawngah hian ?hangtharten ?an kan lak a ngai a. Lehkhabu kan chhiar tam chuan ram leh hnam tana beihna kawngah a ni emaw tawng hmasawnna tur leh tawng humhalhna kawngah nasa takin lungrualna min thlen ngei ka ring a ni." a ti.

MZP buatsaih World Book Day Programme-ah hian "Lehkhabu chhiar hlutna"  tih chu thupuiah hman a ni a. Dr. Vanlalremruata Tonson, MZP Adviser chuan thupui sawiin, 'When Black Birds Fly' ziaktu Hannah Lalhlanpuii biangbiakna neih a ni bawk.



Post i hmuh dan

Post a Comment

0 Comments