Ticker

10/recent/ticker-posts

Hmeithai HIV positive nufa tan Hope & Faith dawn hawng

Aizawl | April 29, 2022: Nu pakhat HIV a positive avanga a pasal in a chhuahsan te nufa eizawnna bul tanna tur dawr 'Hope and Faith' chu nimin khan hawn a ni ta.


He dawr hi Zo Inspiration bul tuma hawn a ni a, mi inphal te sum leh pai thawh khawm atanga buaipui a ni a, dawr siam nan leh a thil zawrh tur bungrua lakkhawm nan cheng ₹64,386/-(sing ruk sang li zathum sawmriat leh paruk) hman a ni a, a chuang cheng ₹30,000/-(sing thum) chu a sumfai in an nufa mamawhna apianga an lo hman atan Zo Inspiration hian an hlan nghal bawk.

Zon Inspiration-in an tarlan danin, He hmeithai lainatawm tak mai hi a pasal hian HIV AIDS natna a kai a, a nupui a kai ve tih a hriat khan an gas bur pu chhuakin a nupui fanau te chu a chhuahsan a ni. Tichuan belh tur an neih loh avangin an khua a anu leh pate a va pan a, mahse anni pawn an awmpui theih loh avangin an lo chhuah tir leh ta a. Tunah hian an nufa chuan luah man chawi lovin mi thehnem ngai ten an in an luah tir mek a ni.

HIV natna a vei avangin a fanu te zawk chu a hnute a hnek tir ngam lova, bawnghnute chhuanso a in tir thin a ni.
Post i hmuh dan

Post a Comment

0 Comments