Car chesual-ah mipa pali chuangte thi vek!

Aizawl | April 2, 2022: Lungtan VC Vice president R Laldingliana  leh mi dang pathum Cara nimin aṭanga lungtan aṭanga chhuak chu an tum ram vawiin thlengah pawh an la thlen loh avangin zawn a ni a, zawn an nih hnuah Baktawng Joint YMA duty ten Car accident hi Chhingchhip MIFCO bulah kawng thlangah an hmu a, mi 4 te hi an lo boral vek tawh.




Serchhip Police ngaichangin, Ruang hi khawih che lo a dah hrih.

Thudawnnain a tarlan danin, lirthei hi Metre 150 vel kawng thlangah an lum a ni.



  April Ni. 1.2022 Zirtawpni zan dar 7:00 vel khan Lungtan VC Vice President  Pu R Laldingliana (Dingtea), Pu Tlangsiama (VC Treasurer Pi Lalnunziri pasal) leh, Sanga (Lalruata Lungtan makpa) Aizawl leh a thianpa, an vai in mipa vek pali 4 te chu, Pu Dingtea ALTO CAR 800-in Aizawl lam panin  an chhuak a. Zanin (April Ni. 2.2022 Inrinni)  dar 6:45 thleng khan an chin hriat zuina a awm thei rih lo. Car-a chuangte zingah biak pawh  theih pakhat chiah a awm, mahse phone a la theilo va, biak pawh tum tute an la beidawng rih. 
  
      An chhung ten an biak hnuhnun ber hi nizan dar 11:00 -12:00 inkar vel a ni a, Tlangpui leh Khawlailung inkar ah an awm thu an sawi a, a bak chu an be thei tawh lo a ni awm e.  Serchhip bul Sailiam kawn chu Thenzawl lam panin an pal tlang nia hriat a a ni. 
  
     Vawiin (2.4.2022 Inrinni) chawhnu lam khan Sanga phone hi a tlang hlauh a, mahse pick up theilo. Aizawl Police CID lamin Sanga phone hi an chhui zui (track) ta a. Hmuifang bul Midum khamah he phone hi awm in an hria a. Midum kham hi Thiak leh Sumsuih Branch YMA lamin an enfiah zui nghal a. Motor chetsualna hnu hma an hmu rih lo. Sumsuih leh Hmuifang inkar kawngpui dung leh a kam vel dap.

Mahse, beisei loh lamah Baktawng Joint YMA duty ten Car accident hi Chhingchhip MIFCO bulah kawng thlangah an hmu a, mi 4 te hi an lo boral vek tawh.
Serchhip Police ngaichangin, Ruang hi khawih che lo a dah hrih.

Thudawnnain a tarlan danin, lirthei hi Metre 150 vel kawng thlangah an lum a ni.


Kimchang:
Baktawng leh Chhingchhip inkar Buhkangkawn Branch YMA President hnen atang The Zoram Voice in thu a dawn danin, zanin dar 8:30 khan Chhingchhip dai MIFCO theitui sawrna thin atanga km 1 vela hla, NHIDCL kawng lai thar kham chhengchhe tak hnuaiah MZO4 A 3840 chesualna hmunah ruang 4 an hmuh thu an sawi.

Heng car chetsualna a boral ta te hi nimin Zirtawpni zan dar 7:00 vela Lungtan atanga Aizawl pana car chhuak nia sawi niin chin hriat lohin an awm zui a. Chhingchhip leh Baktawng inkarah an chesual nia rin an nih thu hi zanin (April 2, 2022) dar 8 vel khan Buhkangkawn YMA hruaitute chuan thu an dawng a.

An chetsualna tak hi hriat anih loh avangin an phek zawn a, NHIDCL kawnglai thar rawra (GSB) phah tawpna, ding lama kawina tur lai tak zawn khamah sulhnu phethla deuh hun an hmuh chu torch light a enin motor headlight reflect an zuk hmu fuh hlauh a.

Kham bakbahai tak anih avangin fimkhur takin an pan thla a. Motor bulah ruang 3 an hmu nghal mai a, a piah deuh feet 50 awm velah ruang pakhat dang hmu lehin heng ruang te hi kawngpui lamah an la chhuak chho ta niin kan thudawnna chuan a sawi.

YMA hruaitute hnen atanga thu kan dawn danin heng ruang an hmuh tak car-a chuang mi 4-te hi Lungtan VC Vice President Pu R Laldingliana, Pu Tlangsiama (Lungtan) leh Aizawl (Republic Vengthlang ve ve) Lalsangliana leh PC Lalremruata te an nih thu an sawi.



Lungtan lam hi Serchhipah postmortem atan phurin, Aizawl lam hi Aizawlah phurh an ni.

Post a Comment

He post chungchanga i ngaihdan lo sawi ve rawh:

Previous Post Next Post