Aizawl | March 2, 2022: MZP General Headquarters Executive Meeting-in a lo rel tawh angin, MZP chaan UPSC Coaching-ah Mizo zirlai 3 sponsor an tumna chu hmalakna chak takin a kal mek zel.
MZP website a tarlan dangin, tunah hian India rama Coaching tha berte zinga mi, Vajiram & Ravi IAS Coaching Center te nen an indawr mek a. Director hnena an dilna chu chhang tawhin, Seat 3-5 MZP tan an reserve theih thu an dawng tawh a. Chu bakah Selection test-na tur Multiple Choice Question (MCQ) an set sak nghal dawn a ni.
Center hi MZP aiawhin, Delhi Mizoram House Addl. RC Pu Alexander V Chongthu in a lo enfiah sak bakah, Director nen MZP duhdan leh tum dan an sawi dun tawh bawk niin MZP website chuan a tarlang.
UPSC coaching class hi April ni 15-ah ṭan a nih tawh dawn avangin, Selection hi a rang thei ang bera kalpui turin hma an la mek a ni.
Post a Comment
He post chungchanga i ngaihdan lo sawi ve rawh: