Social Welfare Minister Dr K Beichhua-in Phura Khua-ah Primary Health Centre hawng

Aizawl | March 31, 2022: Tukin zing dar 7:00Am khan Minister of State for SWD, AH & Vety, Sericulture leh Excise & Narcotics Dr K.Beichhua chuan cheng nuai Rs 140.21 senga sak Primary Health Centre Building tharcl chu a hawng.


Vawiin PHC hawnna inkhawmah thu sawiin, Minsiter chuan Phura khuaa PHC building thar tha tak kan hawng thei hi ka lawm hle a, he PHC building thar hian Phura leh a chhevel khua te tan hriselna kawngah hmasawnna thar a thlen ngei ka beisei a ni, a ti.


Minister chuan Siaha district chhunga PHC-a kan Doctor te hi an la thalaiin, an taima hlawm hle a, an awmna PHC tan theihtawp an chhuah hlawm avangin, an awmna khua ten an fak hlawm hle a ni. Hetiang MO vek hi nei i la, Mizoram chu hriselna kawngah hma kan sawn hle ang, tiin PHC a MO te hnenah lawmthu a sawi nghak bawk.


Vawiin PHC building thar hawnna inkhawm hi Dr Lalnunziri,CMO Siaha in kaihruaiin, Dr. Lalfakzuala'n welcome speech a sawi a, Dr.Lalthlamuana,Dy.Director(Mal)DHS in thunsawina hun a hmang bawk.

Jeneth Lalnunziri,JE H&FW Dept chuan Technical Report pein, Phura PHC sakna tur sum hi NABARD under RIDF-XXIV atanga dawn a ni a,Zamzo Construction & Consultancy Services,Aizawl ten an sa a ni. a building len zawng hi 381.50Sqm(4106.10Sqft) a ni.PHC Building tharah hian heng Room 12 :

1) Male Ward
2)Female Ward
3)Nursing Duty Room
4)Minor O.Tm Room
5)Post Partum Ward
6) Sterilization Room
7)M.O office
8)Staff Room
9)Casualty
10)Ayush MO Room
11) Laboratory
12) Phamacy Cum OPD Registration te hi a awm. Tarik ni 9/4/2021 khan sak tan niin, ni 23/11/2021 ah khan sak zawh a ni.

Pu HC Khochai,VCP Phura in lawmthu sawina in PHC building thar hawnna inkhawm hi a khar ta a ni.

PHC hawnna inkhawm zawhah hian Mipui te tan CMO office,Siaha chuan Free Clinic hawngin, damdawi pawh a thlawnin an sem nghal bawk a ni.

Minister Dr.K.Beichhua chuan Phura PHC te hnenah Printer 1 a present nghal bawk a ni.

- DIPR








Post a Comment

0 Comments