Pawngsualtu Hrem phutin Vanapa Hall kawtah pungkhawm

Pawngsualtu bail-a chhuah kan remti lo.

- Armed veng South Joint Committee

Aizawl | March 14, 2022: Pawngsualtu hrem phutin vawiin khan Vanapa Hall kawtah mipui an pungkhawm.

Video:

YT Link: https://youtu.be/pEIBpT1-akk

February 28-a hmeichhia kum 22 mi Kendriya Vidyalaya, Mizorama thawk pawngsualtu a puh Suresh Chand Meena chu vawiin khan Court-ah statement lak tur anih vangin Vanapa Hall kawtah pawngsual duhlotu mi tam tak an pung khawm.

Pungkhawm te'n thuziak an ken zingah hian;

• Pawngsualtu hi chhuah suh u.

• Dan anga rorel kan phut.

• Pawngsualtu hi damchhungin tang rawh se.

• Pawngsualtu bail-a chhuah kan remti lo.

- Armed veng South Joint Committee

tih a tel a ni.

Mipui pungkhawmte hian pawngsualtu hrem an phut thu leh pawngsual tawktu hmeichhia tana dana dikna leh rorelna dik an phut thu thuziak kengin an pholang.

Armed veng south Local Council, MHIP leh YMA chuan he pawikhawihna thleng hi an demin pawi an ti a, a tuartute hi an thlawp tlat a, Armed veng MHIP Secretary chuan kal zel an tum dan EXPLOREMIZORAM.COM zawhna chhangin, "pawi khawihtu hi zalen takin a leng mai ang tih kan hlau va. A tuartute nen inberawn chungin a tawp thlengin kan bei zel ang!" tiiin a sawi.

Kal khawm zinga mi a hming tarlan remti lo chuan, "ani hi a huaisen em a mualpho huamin a sawi chhuak a kan hria ni mai a. A ruka tuar, mualpho hlauh vanga inpuang lo hi an awm lovang tih tunge sawi thei?!" tiin a sawi a ni.

Nula hi vawi 5 vel zaipui tawk tawh niin, a kal lehlam awm tawh lo nia sawi a ni a, nula dawrawm leh khawngaihthlak chunga hleilenna thleng hi Armed veng south khawtlang bakah Gorkha ṭhalaite chuan an hrethiam thei lo  a ni.