KṬP General Conf. | Covid-19 symptom nei chu he inkhawmpuiah kal loh tur!

Aizawl | March 28, 2022: Kolasib Bawrhsap  chuan May 5-8 chhunga Kolasib khawpuia KTP General Conference 2022 neih turah Covid-19 lak atanga mipui himtlan theih nan khauh taka kengkawh tur in, a hnuai a mi ang hian ruahmanna a siam.

A.  Covid-19 test chungchang:

1.  Covid-19 symptom nei chu he inkhawmpuinaah kal loh tur a ni.

2.   Kolasib District pawn atanga riak lut tura lo kal zawng zawngte RAgT hmangin Kolasib khawdaiah Covid-19 test neih vek tur a ni.

3.  Test neihna hmun atan heng hmunte hi ruat a ni:

a) Khuangpuilam (Hmangkhawthlir)

b) Tuithaveng

4.  Chief Medical Officer, Kolasib in test neih dan tur leh test-na hmun buatsaih chungchangah ruahhmanna a siam ang. Hemi atan hian Reception Sub Committee, KTP General Conference, 2022 te a tul anga lo puibawm tura ngen an ni.

5. Covid-19 vaccine full dose la tawh, 2nd  dose an lak atanga ni 15 liam tawh leh Govt. recognízed testing laboratory atanga Covid-19 negative certificate, test neih atanga darkar 48 aia rei lo, neite chu test an ngai lovang. (Hetiang certifīcate nei chuan duty-te endik theih tura lo inrin lawk nise).

B.  In a thlen chungchang:

1. In a thlen phal a ni. Amaherawhchu, In pakhatah tawt lutuk a mikhual/palai an thlen lohna turin ruahhmanna siam tur a ni.

C.  CAB zawm chungchang:

1.  Pandal bul hnai hmun remchang laiah kutsilna siam tur a ni a, hand-sanitizer chhawp bawk tur a ni.

2.  Mimal tin in a theih chin chinah hand-sanitizer pai/ken tur a ni.

3.  Hmai tuamna (face-mask) tha takin hman vek tur a ni. Tin, midang nen inhlata awm hram tur a ni a, kut tihfai ngaih pawimawh bawk tur a ni.