Siam aṭanga Kar khat awrh hnuah Tropic of Cancer Photo Booth hmelhem!

Aizawl | March 2, 2022: Tropic of Cancer - Maubuang ah Mizoram Tourism chuan khual zinte tlawh tur leh a duh apiangin a thla an lakpui turin 'Photo Booth' an siam chu Kar khat awrh hnu ah tu tih hriat loh ten suasam in a hmelhem tih hriat a ni.


He thil hi Mizoram Tourism Deptt chuan an ngai thutak hle a, hetiang hian post an siam;
" Tropic of Cancer - Maubuang ah Mizoram Tourism chuan khual zinte tlawh tur leh a duh apiangin a thla an lakpui turin 'Photo Booth' siam ani a. Kar khat awrh hnu ah tu tih hriat loh ten lo suasam in alo hmelhem leh ta tlat mai le! A va pawi thin em!

Kan thil neih ang ang te hi hlut thiam in duat thiam ila Mizoram kan hmangaih tlang ani mai tur. Hmasawn tum leh Mizoram tana thahnemngai thalai tam tak karah hetianga pawi khawih duh kan la awm thin hi chu sim a va hun ta em!" 





He thil thleng ngeiawm zet hi Mizoram Tourism hian engtin nge hma an lak zel dawn tih erawh tarlan a ni lo thung.

Mizoram ah mi fing nuai 11 chuang cheng kara mi mawl kuthlei tlemte cheng vete vanga a ram anga kan thang mawi lo ṭhin hi a pawi tak zet!

Kan hnam mawina leh kan thil neihte hi mi mawl tlemte cheng vete vanga a chul leh chhiat i phal lo ang u.



Post a Comment

1 Comments

He post chungchanga i ngaihdan lo sawi ve rawh: