India Vice president lo zin; Governor-in Cultural Programme buatsaih

• Naktuk Assembly Session-ah thu sawi dawn

Aizawl | March 9, 2022: Vawiin chawhnu khan Circular Lawn, Raj Bhavan-ah zan 2 riaka Mizoram rawn tlawh tu, Vice President M.Venkaiah Naidu pualin Governor Hari Babu Kambhampati chuan Cultural Programme a buatsaih.

Vice President M.Venkaiah Naidu puala Cultural Programme-ah hian hnam lam te entir a ni a, zaithiam te zai ngaihthlak a ni a. Vice President hnenah hian Governor Hari Babu Kambhampati leh Health Minister Dr R.Lalthangliana te chuan lawmpuina thilpek an hlan bawk a ni.

Mizoram Legislative Assembly a Session neih mek lai a nih avangin he hunah hian Chief Minister leh a Council of Ministers bakah MLA te an tel thei lo a. Sawrkar hnathawk zingah Secretary leh a chung lam te an tel a ni.

Vice President M.Venkaiah Naidu hian naktukah Mizoram Legislative Assembly a Session-ah thu a sawi dawn a ni.

- DIPR