Aizawl | March 4, 2022: Chapchar Kut 2022 vawiina hman zawh takah Kut Organising Committee chuan ‘Naupang kum 10 leh a hnuailam pual thlalak pholanna’ a buatsaih result puan a ni a, C Rotluangliani, Kum 6, Khawhai Chhimveng chu pakhatna a ni a, pahnihna KT Muana (7) leh Pathumna Esther Lallianpari (2) Kulikawn veng ve ve te an ni.
Thlalak te hi February 17 – March 2, 2022 Dar 3:00 PM chhung khan thehluh a ni. Lawmman pakhatna hian cheng Rs. 2000 /-; 2 na – Rs. 1500 /-; 3 na – Rs. 1000 te an dawng a, a titha zual mi 7 hnenah Rs. 500 /- theuh pek an ni bawk.
Lawmman latu te thlalak hi Chapchar Kut Souvenir-ah chuan tir an ni dawn niin thuchhuah chuan a tarlang.
Post a Comment
He post chungchanga i ngaihdan lo sawi ve rawh: