BTS India-ah lo kal mai thei!; Army tam takin concert an chhim thei lo mai thei!

Aizawl | March 3, 2022: South Korea Boyband lar BTS chuan kum 2022 an World tour neih ah India an tlawh tel mai thei tih thuthang awm, mahse, India ram hi an lo thlawh a nih chuan India a ARMY te hian buaina lian tak, Concert en an thulh phah hial theihna an nei thung. Army tam takin concert an chhim thei lo mai thei!

Thu chhuah chiang tak a la awm lo na in Lehren leh Asiancommunity news in a tarlan dan chuan he boyband lar tak BTS te hian an World Tour 2022 ah hian Asia khawmualpui-ah ram 10 tlawh tur ang a sawiin chung zingah chuan India pawh a tel a ni.

Join Explore Mizoram Telegram channel for news update  @ https://t.me/exploremizoramchannel

Heng bakah hian Europe ah khawpui 8, US ah khawpui 11, Canada khawpui 3, Latin America khawpui 2 leh Australia khawpui 1 te tlawh tur angin a tarlang tel bawk.

BTS te hian India ram an rawn tlawh a nih chuan  buaina lian ber BTS fans ARMY ten an tawh tur ni a lang chu ticket man to lutuk hi a ni. BTS concert tricket hi khawvel a concert ticket man to ber te zing ami niin a man pawh hi a neu lo hle a ni.

India ram pawisa leh dollar inthlau lutuk vang hian BTS Concert tricket hi a to ngei dawn niin a lang bawk.

ARMY tam zawk te hi zirlai chawmhlawm leh thawhchhuah neilo an la nih vang hian ticket man an tan neih a buaithlak hle dawn a ni.

Chutih rualin, he concert host tu tur ten market research neiin he buaina chinfel dan hi an zawn ngei a rinawm a, chu chu lo thleng ta pawh ni se BTS concert tricket man hi a tlawm berah Rs 5000 – Rs 10000 bawr vel tal a la nih a rinawm.

Thu leng velah chuan India ramah hian concert an rawn nei dawn a nih chuan Gujarat state Ahmedabad khawpui a nei tur ang a sawi ani bawk. He thil hi a takin a thleng a nih chuan North India leh North East India lam ARMY te tan a chuan a hla thawkhat viau bakah kal man senso pawh a  ngai nual dawn a nih hmel.

India society hi khawthlang lam ram nen a in anglo em em a, Indian nu leh pa te hian ticket man hi an fate tan an sih chhuah sak thei ang em tih pawh hi buaina tham chu a ni reng a ni. Ticket man piah lamah hian hetiang ang a hla ah hian an fate hi anmahni a zin chhuah tir an phal kher pawh a rinawm loh.

India a BTS fans tan chuan Album original neih hi a harsa hle a an hralhchhuah pawh a tlem hle a ni. Chutih rualin India a ARMY te hian BTS ho in Spotify a hmun sang zawk an thlen nan an thawh hlawk hle.