Bawngkawnah in kang ral; Nu ber kang hlum!


Aizawl | March 20, 2022: Bawngkawn veng-a Non-Mizo Christian Center bula Assam Type in chu vawiin tlai dar 4:40 vel khan  kangun, chhungkhat nu Pi Lalnuntluangi (35) a kang hlum!




Kangmei hi inhnuai lam atanga chhuak niin hriat a ni a, kangmei chhuah chhan erawh hriat a ni lo.

He Assam type in hi Pi Nazami in niin chhawng khat a ni a, in chunglam chu in neitu Pi Nazami'n amahin a luah a, in hnuai lam chu a fanu vanduaita Pi Lalnuntluangi te nupain an luah a ni. Pi Lalnuntluangi leh a pasal Pu Lalthlamuana te hian fa hmeichhe naupang kum 5 mi an nei.

In kan lai hian in neitu Pi Nazami hi a len chhuah lai a ni a, inhnuai lam luahtu te fa hmeichhe naupang pawh an chhungte in lama a len lai a ni.

Kangmei chhuak an hriat veleh Pi Lalnuntluangi leh a pasal chu pawnah an tlanchhuak a, chutia an insaseng chu Pi Lalnuntluangi chu let lehin inchhung lam a zuk bih leh niin an sawi. Kangmei chhuak buaipiin an phili buai nuai nuai a, a tirah Pi Lalnuntluangi hi a kang tel tih an hre mai lova, an han ngaihvena an hmu ta mai lova. Kangmei a rem hnuah a ruang hi an hmu ta mai niin thudawnna chuan a sawi.


Mitthi ruang hi postmortem a ni dawn a, zaninah tlaivarpui a ni anga, naktukah YMA hall-ah vui a ni ang.

- Vanneihthanga Vanchhawng, MSR









Post a Comment

He post chungchanga i ngaihdan lo sawi ve rawh:

Previous Post Next Post