Aizawl | March 8, 2022: Mizorama Chelsea FC ṭantu te'n an nghahhlelh em em hun ropui a thleng dawn ta a. Chelsea FC chuan April 8 hian Mizoram leilung an rawn rap dawn ta.
Mizo Chelsea Supporters' Club(MCSC) chuan London atangin Chelsea FC in Mizoram an rawn tlawh dawn tih Official Confirmation an dawng tawh niin MCSC chuan instagram-ah puangzar.
MCSC chuan, "A kuma kum kan lo nghah tawh Chelsea FC lamin Mizoram an rawn tlawh hun tur chu a lo thleng hnai ta! Hrileng avangin a hun sawn hlat hret hret zel a ni a. Mumang ramah pawh kan mangphan ruai ruai thin kha thla leh i.e., 8th April hian Chelsea FC lamin Zoram leilung ngei rawn rah an tum tih thu MCSC chuan kan dawng," tiin an tarlang.
Chelsea FC legend zingah hian John Scammel chu Mizoram lo kal tur zingah a chiang tawh a, mahse, legend dang lo kal tur hi an la chiang thei lo a ni.
"Chelsea aiawha lo kal turte hian Champions League Trophy ngei mai chu an rawn keng tel dawn bawk a ni!" tiin an tarlang bawk.
Post a Comment
He post chungchanga i ngaihdan lo sawi ve rawh: