Union Minister of State for Rural Development & Steel-in Rural Development Department meeting neihpui

Aizawl | Feb 11, 2022: Langa Mizoram rawn tlawh Union Minister of State for Rural Development and Mines Pu Faggan Singh Kulaste chuan chawhnu khan Aijal Club Conference Hall ah Rural Development Deparment hotulute Deparment hnathawh thlirpuiin meeting a neihpui a. Meeting ah hian Rural Development Department Secretary Pu Vanlalngaihsaka leh a thawhpui ten Department in central schemes hrang hrang an kalpui mek te thlen chin, an hmabak te leh harsatna an tawh an tarlang a,  Union Minister zawhna leh hriatchian duh a neite chu Department hotuten an chang a ni.

Meeting ah hian Mahatma Gandhi Rural Employment Guarantee Scheme (MGNREGS); Pradhan Mantri Awaas Yojana –Grameen (PMAY-G); Shyama Prasad Mukherjee Rurban Mission (SMMRM); Border Areas Development Programme (BADP); Pradhan Mantri Krishi Sinchayee Yojana (PMKSY); National Rural Livelihoods Mission (NURM) leh Deen Dayal Upadhaya Grameen Kaushalya Yojana (DDU-GKY) chungchangte thlirho a ni.

Union Minister Pu Faggan Singh Kulaste chuan Department in thingtlanga mipui te tan hmasawnna hna hrang hrang an thawh bakah thingtlanga mipuiten eizawnna kawng dang dang te an neihve thei nan eizawnna siamsak thei ang chi scheme te ngaipawimawh turin a chah a. Hemi kawngah hian Self Help Group (SHG) te chu thil tangkai tak a ni thei tiin SHG te chu nasa leh zawka chawilar naah tan la turin hrilh a. Thingtlang miten thla bi a sum lakluhna kawng tha an neih theih nan Central scheme hrang hrangte chu tangkai thei ang berin hman thin a duh thu a sawi a. MNGREGS hnaa Third Party Audit endikna chu ngaihpawimawh nise tiin a sawi bawk a ni.

MGNREGS ah hian Job Card Holder 2,07,875, khaw 858 ah an awm mek a. District zawng zawnga ni 90 aia tam inhlawh na siamsak tawhin March thla ral hmain ni 100 inhlawhna siamfel beisei a ni a. MGNREGS hnuaia hna te Geo-tagged kawngah Phase I ah Mizoram chu state zinga ti tha ber a ni a. SPMRM hi RD Block 4 a Cluster 4 a kalpui mek niin Aibawk Cluster a hna te chu zawhfel tawh niin Thingsulthliah, East Lungdar leh Khawzawl Cluster te chu hna a kal mek a. Aibawk Cluster chuan SPMRM ah National Level ah Award an dawng a. BADP hi RD Block 15 a kalpui mek niin Myanmar ramri depa awm khua 108 leh Bangladesh ramri depa awm khaw 142 te a huam a. PMKSY hi RD Block 18 a kalpui tum mek niin ram hectare 44,600 a huam dawn a ni.