Ticker

10/recent/ticker-posts

SEDP Board sum hman ral leh an hnathawh a inmil lo - ZPM Thalai

Aizawl | Feb 12, 2022: ZPM thalai chuan nimin khan thuchhuah siamin, MNF Sawrkar kal meka din, "SEDP Board sum hman ral leh an hnathawh a inmil lo" an ti.



ZPM Thalai thuchhauh chuan, "MNF party chu sawrkârna an chan aṭanga kum 4-na an hman mêk hnuah pawh, an flagship programme SEDP Board chu vawi 1 chauh an la thukhawm a, hei hian MNF sawrkârin SEDP a ngaih pawimawh tawk loh zia a târlang chiang hle." an ti a.

"Hetih lai hian, SEDP Board phuahchawpah hian Vice Chairman-te hi MoS rank pêk niin, MLA ni lo Vice Chairman-te pawh a hranpaa hlawh pêk niin, Vice Chairman-te hnenah hian staff leh lirthei pêk an ni bawk." an ti.

Heng board phuahchawpte kumkhat sum hman ral ringawt pawh cheng vaibelchhe 2.6 lai a nih laiin hna thawk mang lova an awm hi ZPM Ṭhalai chuan mak kan ti a, kum 4 chhûng hian SEDP Board phuahchawpte hian engnge an lo thawh? tih hi kan zawhna niin, an sum hman ral leh an hnathawh hi a inmil lo hlein kan hria a, SEDP Board-te hi hrilên lai, sum harsat laia awmze nei lova sum tam tak eiraltu an nih bâkah, mipui sum bawm rawktu-ah ZPM Ṭhalai chuan an ngaih thu thuchhuah chuan a tarlang.





ZPM ṬHALAI PRESS RELEASE

*SEDP Board sum hman ral leh an hnathawh a inmil lo.*

MNF party chu sawrkârna an chan aṭanga kum 4-na an hman mêk hnuah pawh, an flagship programme SEDP Board chu vawi 1 chauh an la thukhawm a, hei hian MNF sawrkârin SEDP a ngaih pawimawh tawk loh zia a târlang chiang hle.

Hetih lai hian, SEDP Board phuahchawpah hian Vice Chairman-te hi MoS rank pêk niin, MLA ni lo Vice Chairman-te pawh a hranpaa hlawh pêk niin, Vice Chairman-te hnenah hian staff leh lirthei pêk an ni bawk. Heng board phuahchawpte kumkhat sum hman ral ringawt pawh cheng vaibelchhe 2.6 lai a nih laiin hna thawk mang lova an awm hi ZPM Ṭhalai chuan mak kan ti a, kum 4 chhûng hian SEDP Board phuahchawpte hian engnge an lo thawh? tih hi kan zawhna niin, an sum hman ral leh an hnathawh hi a inmil lo hlein kan hria a, SEDP Board-te hi hrilên lai, sum harsat laia awmze nei lova sum tam tak eiraltu an nih bâkah, mipui sum bawm rawktu-ah ZPM Ṭhalai chuan kan ngai a ni.

sd/-
(MOSES LALRINKIMA)
Joint Secretary
Publicity Department
ZPM Thalai Headquarters

No ZPM Thalai HQ/PR/2022/9
Aizawl the 11th February, 2022.
Post i hmuh dan

Post a Comment

0 Comments