Ticker

10/recent/ticker-posts

OPEN LETTERS TO - Pu PL Liandinga

 *OPEN LETTERS TO* 
Pu PL Liandinga  Ex.OB  CYMA.

 YMA Sub-Headquarters Champhai tih thupui hmang a ni 28th January 2022 a i thuziak kha uluk takin ka lo chhiar a. Mizo thalai ten kan rin ve em em thin Central YMA a OB lo ni thin tawh meuh in khual thuthang mai mai beh chhan a Sub-Headquarters YMA  Champhai chungchang mualpho thei ang ber a i rawn tlangau ta mai hi a tuartu tan pawm zam a har khawp mai. I puh chhiat leh zilh chiam ka thawhpui mi fel leh tha tak ni a ka hmuh te hi dik lo tak a an mualpho rem ka ti ngang lo a ni, min lo hrethiam dawn nia.




 Mizoram khawchhak lam hi Lirnghing, raltlan, hrileng buaipui in  YMA Branch, Group leh  SYMA hruaitu te hi an hah thin hle a. SYMA a ka OB puite thawhrim zia leh an in pekna nasat zia ka hmuh hian a sawiseltute hi inzahpuiawm ka ti khawp mai. Hripui leng buaipui, Myanmar lamah damdawi, Gas, etc. thawn,  Raltlan, Raltlan tanpuina dawn leh sem, an awmna tur buatsaih, hliamtuar/thi buaipui...  ruahsur, zan thim leh khawvawt karah mahni insengso leh chhungkaw pawimawh ngaih thah a an hma lak dan en hian zah an phu khawp a sin.

 Champhai NGO hi champhai khaw thatna duhtu a ngaih pawl pakhat a ni a, MUP, YMA, MHIP, MZP te insuihkhawmna pawl a ni lo. Champhai NGO leh Sub-Headquarters YMA hian englai mahin thawh hona mumal an nei ngai lo. Kan hma chiah SYMA term chhung khan vawikhat mah dawhkan khat an kil ho lo a ni. Nikum 2021 atang khan champhai hmangaihtu an ni a tiin hmalakna hrang hrangah kan pen ho a, an tha tichak turin sum leh pai thleng kan ngaihtuah pui a ni. SYMA executive committee hmasa ber ah pawh  ‘NGO ah hian kan tel lova, SYMA ten atul dan ang in kan puibawm ang’ tiin thu tlukna kan siam a ni.

 SYMA hian champhai a DC rawnawm apiangte hi tha takin kan thawh ho pui thin a, thawh ho pui zel pawh kan tum. Tuna kan DC ni mek Maria CT Zuali  nen pawh hian kan thawh hona a tha thawkhat a, champhai  pawh a rawn hmangaih khawpin kan hria a ni. Bel tui a khat engmah dah belh theih tawh loh ang mai a thurawn pek har a ni thung.

 Ni 18 December 2021 khan Kelkang daiah Champhai DC in kuhva a man hal a nih thu kal zel ni ngei turah bungrawphur motor neitu ten Mizoram CM hnena Champhai DC sawn tura an ngen na chu lehkha in CM office a thlen hmain social media lam ah a put ru a.. Chumi tuk maiah Mizoram DC sawn kual na Order a lo chhuak ta si a. Sorkar file kal dan nen in millo tih hretute pawn bungraw phur motor neitute tinzawn luiin thu a darh a, Ram roreltute, CM thlengin kuhva sumdawnna a in rawlh a tangka tam tak hlawkna tel ve a puh hmingchhiat an ni ta.

 Champhai NGO huai hawt in DC sawn chhuah dodalna ruahman a ni a, boruak tih sosan nan DIKNA tundin an vuah a, Dawrkhar, Kawngzawh, Total Band, Republic Day boycot thlengin ruahmanna an siam ta mai a ni. Mipui ngaihdan inlungrual lo tak karah India sawrkar ni pawimawh bik Republic Day  boycot hial  chu Ram leh hnam tana thu lian tham ni si lo, YMA dinchhan leh thuvawn te ngaihtuahin, SYMA Executive committee kokim taka kal ten ‘NGO hmalakna ah SYMA chu tel ve tawh rih loh’ a rel thlu ta a ni.

 Social media ah SYMA, OB te chu Kuhva tawlh ve a puhna te. Kan President zahawm tak phei chu hlawkpui tham thamna dawng hial a puh hmingchhiat a ni. Ka OB puite hi Thlakipa hlawhla vek an ni a, Kuhva chu sawi loh sumdawng an awm lo hrim hrim a ni. SYMA hruaitu kan nih a kan hmalak dan leh kan chhungkaw sum lak luh dan thleng hian belhchian kan ngam khawp mai.

 Chawngkhum dan tlang huat loh ah chuan ‘Nuthlawi lunglian kang mei chhuah palh thu kal zelah pa felhmel pui pui lansarh tuma social media a in in Se-hmur tuau tuau hian nuih a ti za...'


 Zah tak chung che in
 Lal Chhanhima Zofa
 Fin.Secretary SYMA. Champhai.
Post i hmuh dan

Post a Comment

0 Comments