MZP-in zirlai exam chhunga Kawlphetha hnianghnar taka pechhuak turin Sawrkar ngen

• Zirlai Exam hmachhawn mek harsatna tawk ṭanpui inhuam

Aizawl | Feb 28, 2022: Mizo Zirlai Pawl (MZP) chuan vawiin February 28, 2022-a neih tan HSLC   Examination pawimawh tak ah zirlaiten tha tak leh tluang taka Exam an hmachhawn theih nan exam hun chhung Kawlphetha hnianghnar taka pechhuak turin Sawrkar thuneitute an ngen nawn leh.

MZP chuan thuchhuah siamin he thu hi an tarlang a, zirlaite lehkha zir tibahlah thei zawnga ri bengchheng siam lo tur leh harsatna siam lo turin MZP chuan mi tinte a ngen bawk.

Mizo Zirlai Pawl (MZP) chuan Exam hrang hrang hmachhawn tur zirlaite chu thahnemngai tak leh ram leh hnam nghahfak an ni tih inhre reng chunga an zirlai te zir a, exam hmachhawn turin a chah.

MZP chuan zirlai Exam hmachhawn mek te harsatna tawk an awm chuan tanpui an in huam reng thu tarlangin, exam hmachhawn tur zawng zawng te tha taka an exam theih nan duhsakna a hlan bawk.

MZP PRESS RELEASE

Feb 28, 2022

Mizo Zirlai Pawl (MZP) chuan vawiin February 28, 2022-a neih tan HSLC   Examination pawimawh tak ah zirlaiten tha tak leh tluang taka Exam an hmachhawn theih nan exam hun chhung Kawlphetha hnianghnar taka pechhuak turin Sawrkar thuneitute kan ngen nawn leh a, tin, zirlaite lehkha zir tibahlah thei zawnga ri bengchheng siam lo tur leh harsatna siam lo turin MZP chuan mitinte kan ngen bawk  a ni.

Mizo Zirlai Pawl (MZP) chuan Exam hrang hrang hmachhawn tur zirlaite chu thahnemngai tak leh ram leh hnam nghahfak an ni tih inhre reng chunga an zirlai te zir a, exam hmachhawn turin a chah a ni. 

MZP chuan zirlai Exam hmachhawn mek te harsatna tawk an awm chuan tanpui an in huam reng a, exam hmachhawn tur zawng zawng te tha taka an exam theih nan MZP chuan thinlung takin duhsakna a hlan nghal bawk a ni.

Sd/-

(H. LALTHUTHLUNGA ZATE)

Secy i/c Publicity