MiCA-in Thirsakawra Aizawl - Kolkata inkhalh thleng Maawma hmuak dawn

Aizawl | feb 17, 2022: Mizoram Cycling Association (MiCA) chuan an Vice President Pu C. Lalawmpuia chu naktuk Zirtawpni hian Lengpui Airport ah lo hmuah an tum.

Pu C. Lalawmpuia hi Zofate zinga a hmasa ber ni turin Aizawl atanga Kolkata thleng thirsakawr in a kal thleng.


Ni 15 chhungin a sur a sa hnuaiah kilometre 1574.42 zet a inrap a, darkar 100.39 hun a hmang bawk.

Aizawl Dawrpui Veng a khawsa Pu Maawma hian January ni 26 khan Aizawl chhuahsanin February ni 15-ah Kolkata a thleng a, Kolkata Mizo Welfare pawhin Mizo tlangval tuarchhel leh huaisen hi entawntlak tiin chawimawina an lo hlan a ni.

MiCA chuan naktuk Zirtawpni hian Airport kiangah amah lo lawm a, programme tawi fel buatsaih an tum a, thirsakawr khalh mite a duh apiang tel turin an sawm a ni.

Cycle hmanga airport pan tum a ni a, chawhma dar 11:00 ah Singson Petrol Pump, Hunthar veng ah kim turin an inngen a ni.

- Inkhel.com

Post a Comment

0 Comments