Hripuiin a hneh loh hmeichhe zirtirtu huaisen 'Nikita Lalremruati'

Aizawl | February 7, 2022: Hripui khawvel a tibuai a, thenawm pawh inlen pawh hleih theih lova kan awm laiin, Zirtirtu pakhat, zirlaite a hmangaihna avanga hripui hlau-a inkhung ve thei lo; mahni indah thaa zirlaite ngaipawimawh zawktu - hri kai thei dinhmunah a ding tih lam aia a zirlaite hma ngaitu a awm a, chu chu tu dang ni lovin 'Nikita Lalremruati' hi a ni.

PPE nen hri vei zirlaite zirtirna a pe

Presbyterian English School, Republic Aizawl-a Mathematics zirtirtu Nikita Lalremruati chuan pawl 10 zirlai, hripui vei mek board exam hmachhawn turte mamawhna hriain PPE nen a luhchilh a, zirtirna a pe.

He thu hi a darh nasa hle a, faktu leh chhuangtu an tam a, amah ngaisangtu an thahnem hle a ni.

Nikita Lalremruati (27) hi C Zathanga (L) leh Zaithanmawii te fa pahnih zinga a upa zawk niin, an fanu neih chhun a ni. Republic veng, Aizawl-a chengin, Presbyterian Kohhran, Republic vengah an lawi.

Zirna lamah chuan MZU atangin Msc a zova, tuna a thawhna Presbyterian English School, Republic veng-ah hian 2019 khan a thawk tan tih EXPLOREMIZORAM.COM a hrilh.

View this post on Instagram

A post shared by Nikita Lalremruati (@ni_ki_ta_13)

Kohhran leh khawtlanga inhmang leh fel tak niin, nula hawihawm a ni a, a thil tih atang hian mahni mawhphurhna leh hna hlen mi, mi khawngaihna leh hmangaihna ngah tak a nih zia a lang chiang hle a ni.

He thu ziak tura in a biak lai pawh hian Nikita Lalremruati  hian class a la mek a, class laa a buai karah a thil tih ropui tak hi a hre ve lo emaw ni tih mai turin, "a va inthlahrunawm ve aw," tia bul tanin, EXPLOREMIZORAM.COM zawhna a chhang a ni.

(I chhuangin i ngaisang ve em? A hmingah hian hmet la, Instagram lamah i lo follow ve mai dawn nia.)

- H Zate

Founder/Editor

Explore Mizoram

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

(Website leh a hnuaia fakna hi lo hmet ve rawh.)