Ticker

10/recent/ticker-posts

Dr ZR. THIAMSANGA MLA IN TRAINING OF NURSES KHARNA HUN A HMANPUI

Aizawl, 4th February, 2022: Ministry of Health and Family Welfare, Government of India bul tuma Mizoram Nursing Council in a buatsaih Training of Nurses ni 1-4 February 2022 chhunga neih chu vawiin khan a kharna hun hman a ni a.


He training kharna huna khuallian Dr. ZR Thiamsanga MLA, Vice Chairman, Health and Family Welfare Board chuan he training a tel Principal leh Nursing Superintendent te chu Nurse tha leh rintlak chher chhuak zel tura thahnem ngai taka tan la tur leh inpekna thuk zawk nen a mahni thawh hi ram leh hnam tan a ni tih hria a theih tawp chhuah zel turin a fuih a. Khuallian chuan Nurse hna chu Pathian rawngbawlna pawimawh tak a nih avangin damlo te chungah tawngkam zaidam, hmangaihna leh taimakna lantir chunga thawh reng a tul thu te, Mizo Nurse te chu India ram mai bakah khawvelah pawh an duai loh thu te, Mizoram nursing staff te Covid-19 dona kawngah pawh an inpekna fakawm a tih bakah, Sorkar pawhin Nurse te harsatna sukiang tura theihtawp a chhuah zel tur thu a sawi bawk a ni.

Training hi Mizoram chhunga Nurse zirna in a Principal te leh Nursing Superintendent, sawrkar leh mimal puala din te tan a buatsaih a ni a. He hun hi Pi Lalremmawii, Jt Director Nursing, Directorate of Health Services, bakah Pi Lalduhsaki, Registrar Mizoram Nursing Council ten an hmanpui bawk a ni.
Post i hmuh dan

Post a Comment

0 Comments