Chief Minister leh Union Minister of State for Rural Development & Steel inkawm

Aizawl | Feb 12, 2022: Nimin tlai khan Chief Minister Pu Zoramthanga chuan lehlanga Mizoram rawn tlawh Pu Faggan Singh Kulaste, Union Minister of State for Rural Development & Steel nen a chenna inah inkawmin, Mizoram hmasawnna atana thu pawimawh an sawi dun.

Union Minister of State chuan state hmasawn nan agriculture leh horticulture lamah Mizoram chuan theihna nasa tak nei, ram pawna export atana tlak tak tak tharchhuak thin nia a hriat thu a sawi a. Inkalpawhna kawng tha neih a pawimawh thu te sawi dun bawkin, Union Minister chuan link road leh khaw tin tlawh kawng tha neih mai a pawimawh bakah fur laia leimin tuar thin state a nih avangin a remchanna apianga pumpelh kawng siam te pawh tha a tih thu a sawi.

Chief Minister chuan leilung behchhana eizawnna ngelnghet siam tura state sawrkar hmalakna te a sawi a. Hripui leng avanga ram pum sum harsatna avanga hmasawnna hna thawh in a tuar phah dan leh, tuna boruak ziaawm chho zelah theihtawp chhuah a nih dan te an sawidun a ni.

Union Minister of State Pu Faggan Singh Kulaste hian Silchar pan in nizan khan Mizoram a chhuahsan nghal a ni.

- DIPR