Aizawl | Feb 6, 2022: Hnahlan Dam Veng-a Pi Sairengpuii in chu vawiin (Pathianni) chhun dar 11:10 vel khan a kang a bungrua engmah an chuh hman lo.
Thudawnnain a tarlan danin, Pi Sairengpuii hi damdawi in lamah a awm a, a nu hian a fanu damlo chu buaipuiin damdawi in lamah a awm ve lai mekin an chenna in hi a kang ta a ni.
Pi Sairengpuii hi pasal sun tawh niin hmeithai a ni a, tunlai hian Pi Sairengpuii nu Pi Nikhumi chuan a chenna in a sak mek avangin a fanu in hnuai hi a luah ve bawk a ni.
Thudawn danin, in kan hma hian Pi Sairengpuii kawtah, an makpa David Khupdul Zatawnpau leh Pi Nikhumi nuteii fapa Lalthanzuala te chu an in haubuai a, David-a hian silai a lek a, Lalthanzuala hi a tin a, an insual a, Lalthanzuala hian a bawhbet-a a silai chu a chhuhsak niin an sawi.
He intihbuaina leh inkang hian in thlunzawmna a nei em tih ngaihtuahin leh a tul anga chhiatna thleng buaipui turin Hnahlan VC kaihhruaiin meeting pawimawh an nei.
- MSR/Facebook/WhatsAPP
Post a Comment
He post chungchanga i ngaihdan lo sawi ve rawh: