Aizawl Khawpui chhhunga Feb19 atanga thu leh awm hmaa lirthei tlan dan tur

Aizawl | Feb 21, 2022: Disaster Management and Rehabilitation Department, GOM Order No.B.13021/101/2020-DMR/Vol-VI Dt.18.2.2022 tlawhchhanin Mizoram State Sawrkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angin, Sr. Superitendent of Police,Traffic, Aizawl chuan mipuite tana remchan zawk nan leh Covid-19 hrileng mek laka mipuite him zawk nan Aizawl khawpui (AMC area) chhungah ni 19.2.2022 atanga thuleh awm hma chu lirthei tlan dan tur a hnuai ami ang hian thupek a chhuah.




LIRTHEI TLAN DAN TUR LEH A HUAM CHIN TUR TE
1. Intlanchhawk hian mimal motor, Sorkar motor leh bungraw phur lirthei zawng zawng a huam ang. Hei hian District dang lirthei leh State pawna lirthei register te a huam ang.
2. Lirthei registration number tawp ber te tlanchhuah theihloh ni chu hetiang hi a ni ang -

Tlan theih loh ni                       Registration number tawpna
Thawhtanni (Monday)                1 leh 2
Thawhlehni (Tuesday)                3 leh 4
Nilaini (Wednesday)                   5 leh 6
Ningani (Thursday)                    7 leh 8
Zirtawpni (Friday)                      9 leh 0

3. Lirthei intlanchhawk hian Zing dar 9:30 atanga tlai dar 6:00 thleng a huam ang.
4. Lirthei intlanchhawk hian Inrinni (Saturday), Pathianni (Sunday) leh Sorkar Holiday-te a huam lovang. Heng ni ah te hian lirthei zawng zawng an tlan thei ang.
5. Taxi bik chu Sticker A, B leh C hmanga intlanchhawk kalpui mek ang hian Zing Dar 9:00 AM atanga Tlai Dar 6:00 PM inkar an intlanchhawk ang. Inrinni (Saturday) bikah Chawhnu Dar 1:00PM atangin Taxi-te hi an vaia tlanchhuah phalsak an ni. Tin, Pathianni (Sunday) leh Sorkar Holiday ah pawh Taxi-te hi an vai a tlanchhuah phalsak an ni.
6. Two Wheeler Taxi te chu Sticker A, B, C, D leh E hmanga an tlan dan tur (Routine) siam angin Zing Dar 9:00 AM atanga Tlai Dar 6:00 PM inkar an intlanchhawk ang. Ni khat ah Group li (4) te hi tlangdung kawngpui ( main spine/artery road) ah an tlan thei ang a, Group khat hi (Main Spine/artery) ah an tlan ve thei lovang.
Two Wheeler Taxi-te hi Inrinni (Saturday) bikah chuan routine a tello te pawh Chawhnu Dar 1:00PM atangin tlangdung kawngpui (Main Spine/artery) ah tlan phalsak an ni. Tin, Pathianni (Sunday) leh Sorkar Holiday ah an vai a tlanchhuah phalsak an ni.
7. Aizawl City Bus te chu Aizawl City Bus Owners Association (ACBOA) in routine an siam angin an tlan thei ang.
8. Sawrkar SOP angin lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh ten mask/hmai tuamna an vuah vek tur a ni. Passenger-te hman tur hand sanitizer an pai reng tur a ni. Tin, Driver leh Handyman te hi Covid -19 Vaccine full dose la tura ngen leh beisei an ni.  

A HUAMLOH TUR TE
1. Governor, Chief Minister, Speaker (an carcade tiamin) leh MLA-te.
2. Gauhati High Court Judge te.
3. Home Department (Police, Fire & Emergency Services, MRHG&CD, Prisons, FSL), Excise & Narcotics duty, Medical & Hospital Emergency duty, PHE/PWD/P&E Emergency duty, Disaster Management hnuaia emergency duty te PHE Tuisem, Ambulance/Morgue van, Executive Magistrate law and order duty, Print & Electronic Media-a thawkte, National Informatics Centre (NIC) a thawk te, Army leh Para-Military Force, Government Department/Office Despatch Rider-te, Kohhran hminga lirthei register,  AMC hnuaia Bawlhhlawh paih motor, Rualbanlote tana Special Vehicle, Bawnghnute sem, Chanchinbu sem,
4. Public service vehicle (passenger phur chi lirthei) City Bus/ Bus, Maxi Cab/ Sumo (State dang registered huamin), Auto Rickshaw, Institution Bus, Department Bus.

He thupek zawmlo man te chu Section 179 MV Act, 1988 leh Section 5(9) of The Mizoram(Containment and Prevention of the spread of  Covid-19) Act, 2020” hmanga hrem an ni ang.

Post a Comment

0 Comments