Aizawl District-ah Mizo ni lo te certificate dilna CSC-ah khawih thei dawn lo!

Aizawl, the 10th February 2022: Aizawl bawrhsap chuan thuchhuah siamin, Aizawl district chhunga CSC te chu certificate lak/pek chhuah chungchangah, "Pa Mizo ni lo application reng reng chu DC Office Judicial Branch chauhvin an khawih ang." tiin a hriattir.


Deputy Commissioner's Office, Aizawl District, Aizawl hnathawh a lo felfai zawk nan Aizawl District huam chhunga Common Service Centre (CSC) zawng zawng ten Certificate chi hrang hrang an pekchhuah chungchangah a hnuaia in kaihhruaina tarlan te hi zawm vek turin DC Aizawl District chuan mipuite a hriattir a ni.

Certificate Approve-tu te hriat tur:-
1.         Document upload chiang taka en tur
2.         Pa Mizo nilo te chu DC Office Judicial Branch-ah dil tur

Income Certificate dil tur tan:-
1.         Local/Village Council hriatpuina
2.         Voters ID Xerox

Residential Certificate leh Permanent Residential Certificate dil tur te tan:-
1.         Veng/Khua chhunga awm ngei an ni tih Local/Village Council hriatpuina lehkha
2.         Voter's ID xerox (Aizawl District huam chhung ami ngei)
3.         Passport size photo pakhat
4.         Nu (Mother) hming hmang tur tan Pa hming lanna Birth Certificate Xerox

ST Certificate dil tur tan:-
1.         Tribal an ni ngei a ni tih Local/Village Council hriatpuina lehkha
2.         Tribal an ni ngei a ni tih YMA hriatpuina lehkha
3.         Passport size photo pakhat
4.         Nu (Mother) hming hmang tur tan Pa hming lanna Birth Certificate Xerox

A chunga tarlante bak CSC-ah Certificate khawih loh tur a ni. Pa Mizo ni lo application reng reng chu DC Office Judicial Branch chauhvin an khawih ang.

Post a Comment

0 Comments