VAIRENGTE | Aitlang-ah Assam Police in camp sak an tum?

Aizawl | January 19, 2022: Tunhnai hian Aitlang Sihpui zauah Assam Police ten Camp sak an tum nia hriat a ni.

Hemi vang hian  Vairengte khawtlang hruaituten a rang lama hma la tura Mizoram sorkar an ngenna chu Kolasib bawrhsap hnenah an thlen.

He thu hi DD News Mizoram chuan twitter ah tarlangin, Aitlang Sihpui zauah Assam Police ten Camp sak an tum nia hriat a nih avangin Vairengte khawtlang hruaituten a rang lama hma la tura Mizoram sorkar an ngenna chu Kolasib bawrhsap hnenah an thlen." tiin an ziak

.Vairengte Aitlang mawnglam Sihpui zauah Assam Police ten Camp sak an tum tih vawiin tlai khan thu dawn a ni a, hetianga Assam Police ten hma lak an tum thawm hriat a nih veleh hian khawtlang hruaitu te chu inberawn nghalin, Vairengte a awm mek Police te pawh hriattir nghal an ni a, naktuk atangin Mizoram Police te pawh Patroling nei tura ruahmanna siam nghal a ni.

Sihpui zau hi Vairengte miten huan leh Leilet engemawzat an neihna hmun niin, tun dinhmunah chuan buaina leh harsatna awm lovin an leilet te an enkawl mek a, hetihlai hian Assam Police te hian Camp an rawn siam a nih chuan heng an leilet te hi an chan vek dawn niin, vairengte khawtlang hruaitu te chuan an sawi a, hetiang a nih avang hian Kolasib bawrhsap chu a rang thei ang bera helai hmun venga luah tu tur Sipai dahsak tur leh hma laksak turin an ngen nghal a ni.

- DD News Mizoram