Aizawl | January 13, 2022: MZU Incubation Centre, Zonet, Medmoc & Event Solutions tangkawp chuan Toys leh Games insiamsiak vawi khatna PAWNTO PHEICHHAM chu buatsaih dawn a. Intihsiakna in a thil tumte chu thalai zawkte ngaihtuahna themthiam nei tura infuihna, intihhlimna, infiamna leh inkawm hlimna thar duan chhuahna remchang a ni.
Categories 4 awmin- TOYS CATEGORY- 1)Electrical/mechanical leh 2)Non-Electrical/non mechanical te an ni a. GAME CATEGORY ah
3) Group game (Hmanraw tel leh tello) leh 4) Digital & Electronic games te an ni ang.
Cheng Nuai Hnih leh Singkhat lai lawmman dawn tur a awmin, category tinah lawmman 1st prize – Rs. 25,000, 2nd prize – Rs. 15,000, 3rd prize – Rs. 10,000 a ni anga. Consolation prize 4 cheng 2500 a awm bawk.
Tel theih dan chu:
1. Mimal emaw thian ho anga tel theih a ni.
2. Toy emaw game pakhat aia tam entry a neih theih.
3. Entry pakhat aia tam nei tan form hi a thar a submit leh mai tur a ni e.
Intihsiaknaa tel duh te chu https://incubemzu.com/pawnto-pheichham/ ah 31st January 2022 hmain in register tur a ni. A zawt chiang duh tan Ph: 9436155847 ah zawh chian theih a ni e.
Post a Comment
He post chungchanga i ngaihdan lo sawi ve rawh: