Aizawl | January 27, 2022: Hripui lengin kian zai a rel lo chu sawi loh, zual lam a pan zel emaw tih tur a ni a. He hunah hian hripui laka kan him tlan zawkna atan sawrkar office dawr tur mipuite'n online a appointment (hmuh phalna) lak hmasak zel a ngai a. Online in appointment hi appointment.mizoram.gov.in atangin lak theih a ni.
Aizawl DC pawhin, "Covid-19 hrileng avanga fimkhur thilah Deputy Commissioner, Aizawl hmu duh leh biak duhna nei chuan GAD lehkha No.B.13021/2/2020/GAD/Pt-I dated 10.1.2022 in a siam angin appointment.mizoram.gov.in (Web portal) ah hian Appointment book lawka, dawr theih reng a ni tih kan in hriattir bawk e." tiin thu a lo chhuah tawh a.
Chuvang chuan, hripui a kiang lo bawk nen, changkangnna kawng zawhna a ni bawk nen Online a appointment lakna hi kan hmang tangkai zel dawn ni pawhin a hriat a, mipui tana awlsamna thlentu ni turin a hrethiam lo tam takte tan kan han thailang dawn a ni.
Online-a appointment la tur hian i browser atangin appointment.mizoram.gov.in -ah i lut ang. (He post atang hian link kan dah ah hian hmeh tawp pawhin a lut thei tho.)
Chutah chuan, a hnuaia thlalak kan dah ang hian a lo lang ang.
'Hming' inziak hnuaiah khan diltu hming i ziak ang a,
'Phone' inziakah khan phone number i ziak ang.
'Department' ah hian i hmuh duh department i ziak ang.
Chumi zawhah 'Reason for appointment/Office dawrh duh chhan' inziakah hian, ' i hmuh duh hming/nihna nen i hmuh duh chhan i ziak ang. Entirnan: Deputy Director hi chhun dar 11 hian sikul sak that mek chungchangah ka hmu thei ang em?
'Address/Diltu Awmna' lo awmah khan mahni awmna ziah mai tur a ni.
Vaccinated or not?/ Vaccine la tawh em
Vaccinated/ La tawh Not Vaccinated/ La lo
he thil lo awmah khan i hmeh zawk tur chu a hriat mai awm e.
Applicant photo/ Diltu thlalak ah hian diltu thlalak upload tur a ni. A theih hram chuan thlalak tharlam ni thei se.
A hnuah 'SEND OTP' ah khan hmetin, i phone number dah ah khan OTP a lo thleng ang.
I dilna chu pawm a nih leh nih loh en turin, "Track your application/ Application chhuina" ah khan chhut turte chhuin, a hnuaia 'Track' tih ah khan hmeh mai tur ani.
..
Post a Comment
He post chungchanga i ngaihdan lo sawi ve rawh: