Lawngtlaiah India Republic Day 2022 lawm

January 26, 2022: Vawiin khan India Republic Day vawi 73-na chu Lawngtlaia Central YLA khelmualah ropui taka lawm a ni a. Lawngtlai Bawrhsap Dr Andrew H. Vanlaldika, MCS chu Khuallian a ni.

Zing ni chhuah rualin sawrkar pisa leh hmun pawimawh dangah te India hnam puanzar zar a ni a. Zing dar 8:30-ah CYLA khelmualah Khuallianin hnam puanzar pawt pharhin, zahna chibai a buk a, Republic Day thuchah a sawi nghal a ni.


Khuallian Dr Andrew H. Vanlaldika chuan Lawngtlai District mipuite chu Republic Day chibai bukin, India ram Danpui duang chhuaktu ram hruaitu hmasate zahna chibai a buk a. COVID-19 hri leng dona kawngah te, Myanmar atanga raltlante chhawmdawl leh tuamhlawmna kawngah leh District hmasawn nana hna thawhnaah sawrkar department hrang hrang, LADC leh CADC, tlawmngai pawl, khawtlang hruaitute, kohhran, chanchinbu mi leh District mipuite thawh hona a that thu sawiin, lawm thu a sawi.

Lawngtlai District chhunga hmasawnna hna thawh hrang hrang tar langin, Bawrhsap chuan District Administration leh District Council te'n thawh hona tha tak an neih thu a sawi a. District mipuite hrisel nan leh COVID-19 hri leng dona kawnga Health Department hma lakna fakin, District ralmuan nana thawktu District Police-te hma lakna a fak bawk.

Bawrhsap chuan MGNREGA hnuaiah Lawngtlai District-ah job card holder 35,342 an awm mek thu leh kum 2021-22 chhungin ni 76 inhlawhna siam a nih tawh thu a sawi a. Kum 2021 January atanga December chhungin Lawngtlai District-ah nau piang 2,331 leh mitthi 417 chhinchhiah a nih thu te, Lawngtlai District-ah ration card 19,851 (AAY - 2,149; PHH - 9,469; Non-NFSA 8,233) a awm thu leh kum 2022 January ni 20 thlengin Lawngtlai District-ah lirthei 8,254 chhinchhiah a nih tawh thu te a sawi a. KMMTTP kawngpui KM 87.510-a thui sial mek chu kum 2022 chhunga thawh zawh hman beisei a nih thu leh, department hrang hrang kal tlangin hmasawnna hna thawh reng a nih thu a sawi.

Sawrkarin kawng tinrenga mipuite mamawh phuhruk a tum thu sawiin, chu'ng kawngah chuan mipui thawhpuina a mamawh tih a sawi a. Sawrkar department hrang hrang bakah, tlawmngai pawl, kohhran, chanchinbu mi leh mipuite'n District hma sawnna atana district administration an thawhpui thinnaah lawm thu sawiin, la thawhpui leh zel turin a ngen zui bawk.

Republic Day lawmnaah hian COVID-19 hri leng avangin sikul naupang leh mipui nawlpui tel lova hun hman a ni a. Hei vang hian Lawngtlaia Republic Day 2022 lawmnaah pawh hian guard of honour petu Mizoram Police armed contingent khat chauh awmin, ceremonial parade neih a ni lo.

Thu a sawi zawh hian Khuallian chuan kum 2021-a UD&PA buatsaiha Swachh Bharat Mission (Urban) hnuaia Lawngtlai khawpui chhunga fai intihsiakna hrang hrang lawmman te, COVID-19 kaihhnawiha medical mi thawk tha chawimawina te, state level declamation contest-a Lawngtlai District atanga pakhatna dawngtu chawimawina leh Republic Day 2022 badminton tournament-a lawmman te a sem nghal a. Heti ang hi lawmman leh chawimawina hrang hrang buatsaih dan leh a dawngtute chu an ni:

1. SBM(U) hnuaia Fai Intihsiakna:

1) Hotel fai ber: Lairam Hotel-II
2) Sawrkar zirna in fai ber: Govt Southern Standard Middle School
3) Veng fai ber: Electric Veng, Lawngtlai
4) Hospital/health care facility fai ber: District Hospital, Lawngtlai
5) Sawrkar Pisa fai ber: Executive Engineer office, P&E Lawngtlai Power Division
6) Market fai ber: Chandmary Market (lawmman dawngtute: Chandmary Chawhmeh Zuar Association, Lawngtlai)
7) Special Award: Kum tluana an office leh an compound an vawn fai avangin - Land Resources, Soil & Water Conservation Department, Lawngtlai.

2. COVID-19 kaihhnawiha hna thawk tha chawimawina:

1) Best Supervisor in “COVID-19 Vaccination”: Pi V. Biaknemi, Health Supervisor, Bungtlang Main Centre

2) Best Community Health Officer in Combating COVID-19 in Lawngtlai District: Dr Isaac Lalnunpuia, CHO, Parva Health & Well Centre

3) COVID-19 Vaccination Drive neiha Sub-Centre ti thate:
i) Sumsilui Sub-Centre under Chawngte Main Centre
ii) College Veng Sub-Centre under Lawngtlai Main Centre,
iii) Ajasora Sub-Centre under Vaseitlang Main Centre
iv) Lungpher Sub-Centre under Sangau Main Centre
v) Diltlang Sub-Centre under Bungtlang Main Centre

3. State Level Declamation Competition, 2021-a lawmman 1-na dawngtu: Lalrempuia s/o Hrangchhuana, Lawngtlai Electric Veng

4. Republic Day, 2022 Badminton Tournament category hrang hrang lawmman:

1) Men's Singles Open:
Champion - K. Lalrotluanga, Chandmary Badminton Club
Runner-up: Vanlalchawisana, Chandmary BC

2) Men's Doubles Open:
Champion - K. Lalrotluanga & Rohluzuala Chhakchhuak, Chandmary BC
Runner-up: ZT Lalpianthanga, College Veng BC & F. Lalrinmawia, Bazar BC

3) 35+ Men's Doubles:
Champion - Johnny L. Zosangliana & C. Laltanpuia, Electric Veng BC
Runner-up: M. Lalramsiama & Rohluzuala Chhakchhuak, Chandmary BC

4) 45+ Men's Doubles:
Champion - N. Lalramriliana & Sumeon Remlalnghaka, Chandmary BC
Runner-up: Neil Lalfakzuala, Chandmary BC & Kaplianthanga, Electric Veng BC

5) Women's Doubles:
Champion - N. Lalrimawii & MC Hminghlupuii, Chandmary BC
Runner-up: Lalhlimpuii & Isabel Lalremtluangi Fanai, Bazar BC

6) Under 17 Boys Singles:
Champion - Titus H. Rosanglura, Chandmary BC
Runner-up: Lalropeka Renthlei, Electric Veng BC

7) Under 15 Boys Singles:
Champion - Benikias M. Lalrintluanga, Chandmary BC
Runner-up: Lalpianglawma Chinzah, Electric Veng BC

8) Under 15 Girls Singles:
Champion - C. Lalruathlui, Vengpui BC
Runner-up: Isabel Lalremtluangi Fanai, Bazar BC

9) Under 13 Boys Singles:
Champion - Lalthazuala, Chandmary BC
Runner-up: Hector N. Laldinchhuaha, Vengpui BC

10) Men's 'B' Doubles:
Champion - Biakdika Hlondo, Bazar BC & Benikias M. Lalrintluanga, Chandmary BC
Runner-up: R. Lalrintluanga, Vengpui BC & Sangromuana, Bazar BC

11) Special Men's Doubles:
Champion - Lianchhuma, Electric Veng BC & Sangromuana, Bazar BC
Runner-up: C. Hrangthianga, College Veng BC & H. Lalrinzuala, Bazar BC

Vawiina Lawngtlaia Republic Day lawmnaah hian Lai Autonomous District Council-a Chief Executive Member Pu V. Zirsanga leh Lawngtlai Superintendent of Police Pu DKS Singh, IPS te bakah, LADC-a member-te, state leh LADC official-te, ex-servicemen te, political party leh tlawmngai pawl ai awh te, chanchinbu mite leh lawmman dawng turte an tel a. COVID-19 hri leng vangin kum danga neih thin VIP At Home erawh buatsaih a ni lo.

Kumin Republic Day pual hian Lawngtlai District Republic Day Celebration Committee chuan District Hospital Lawngtlai, Christian Hospital Lawngtlai, Lairam Christian Medical Centre & Hospital, Lairam Motherless Home leh District Jail-ah te tanpuina Rs 2,000/- theuh an hlan a ni.



- DIPR

Post a Comment

0 Comments