Hnahthial | December 21, 2021: Govt. Hnahthial College Eco-Club leh Eco Club, Govt. Sawikunga High School Darzo te chuan Darzo Tlang leh Tlangpui, Darzo ah Nature Walk an nei.
Hnahthial College Eco Club i/c Asst.Prof K Dr Lalzuimawia chuan, “He programme hi India ram zalenna champha vawi-75 na lawmna chikhat atana Ministry of Environment, Forest & Climate Change ruahmanna hnuai ah neih a ni." a ti a, "Pathian thilsiam chi hrang hrang te, ram ngaw leh nungchate mawina leh hlutna te naupang te’n an hriat nana buatsaih a ni." a ti bawk.
Darzo Tlang hi tlang thengthaw nuam tak niin, tlawh tu pawh an tam thin hle a. Hmanlai hmun pawimawh tak tak- Fanai Lal Nochhuma thlan, The Fort Tregear leh Mizoram-a hmeichhe school hmasa ber dawttu awmna hmun hlui ani a. Thu leh hla lama hming dai tawhlo tur Liandala Run pawh a awm bawk.
Tlangpui ngaw hi chhura rual zeta upa niin, thing leh ramhmul dam damdawi chi hrang hrang te, nungcha leh sava chi hrang hrang an la tam hle bawk. British ho khan he tlang chhip hi Helio-communication hmanga Fort Lunglei leh Fort White biak nan an hmang thin.
Hei vang hian Darthlalang-en Tlang tiin a hming vuah ani. He tlang bulthut ah hian Mizoram-a hmeichhe lal kan neih tlemte zing ami Darbilhi thlan te, a pasaltha, chak leh huaisen hmingthang Pualkhawi thlan te a awm bawk.
Post a Comment
He post chungchanga i ngaihdan lo sawi ve rawh: