Senior Commonwealth Weightlifting Championship-ah Jeremy Lalrinnunga'n Gold chawichhuak

Aizawl | December 11, 2021: Senior World Weightlifting Championships leh Senior Commonwealth Weightlifting Championships  Tashkent, Uzbekistan-a neih mekah Jeremy Lalrinnunga chuan 67 KG Men Senior Commonwealth Weightlifting-ah Gold medal lain Senior World Weightlifting-ah pasarihna (7) a ni.

 

67 KG Men-a Jeremy Lalrinnunga Records:

Snatch : 141 KG

1Clean & Jerk : 164 KG

Total : 305 KG

December 7 atanga tan Senior World Weightlifting Championships leh Senior Commonwealth Weightlifting Championships hi December ni 17-a zawh fel tura ruahman a ni a. Jeremy Lalrinnunga hian Snatch (Direct) chawi kan 1st attempt-ah 136 KG a zo lo a, 2nd attempt 136 KG a zo a, 3rd attempt 141 KG chawi zo lehin New National Record a siam ta a ni.

Clean and Jerk (Indirect) awma (chest) dah  kan phawta char chhawhah  1st attempt 164 KG a zo a, 2nd attempt-ah 168 KG leh 3rd attempt  168KG a zo lo ve ve.

Snatch-a chawi rit ber 141 KG  leh Clean & Jerk-a chawi rit ber 164 KG Jeremy-a Total belkhawm hi 305 KG niin Commonwealth Senior Weightlifting Championships 67 KG category-ah Gold medal a la a, Senior World-ah ah Pasarihna a ni.

- Inkhel.com