Aizawl | December 3, 2021: Mizo Zirlai Pawl (MZP) general headquarters chuan December 1, chawhnu dar 2 khan Borapansury Zofate Chawlhbuk-ah, CADC chhunga Takam hruaitute a kokhawm.
MZP President Lalnunmawia Pautu chuan, "Chakma hrim hrim hi kan haw lova, kan huat ber chu dan lova lo pem lut, 1950 hnu lama duh duh a rawn pem luta, diklo taka ram leilung fate chanai rawn chuhpuitute hi kan huat ber chu an ni. Chuvang chuan nangni dan anga awm, 1950 hmalama Mizorama awm tawh te hian MZP min thawhpuia, dan lova lo pem lutte leh rawn luh tum mekte dang turin, thawh ho puiah ka sawm che u a ni. Chuti ni lova Mizo chunga buaina in siam chuan MZP laka buaina siam in ni ang," a ti.
He inhmuhkhawmnaah hian hetiang hian Resolution pass a ni.
"Dan lova Borapansury leh a chhehvela Foreigner rawn luh tum te chu MZP leh YCA Zonal, Br. YCA, MCSU, CMS, leh VC, te chuan a tul anga dodalna kawngah thawh ho nise tha kan ti".
Meeting hi, MZP Headquarters Lunglei President, Pu Lalpeksanga Chenkual in a kaihruai a. Zofate Chawlhbuk enkawl hna pawh, MZP Headquarters Lunglei kutah a awm tawh dawn a ni.
Post a Comment
He post chungchanga i ngaihdan lo sawi ve rawh: