Aizawl | December 18, 2021: Mipuiten beiseina sang tak nena an thlir Mizo Film Award chu zanin dar 8:00 hian Vanapa Hall-ah sem a ni dawn ta - Mizo film industry-a hriat hlawh ber berte an fuankhawm dawn.
A hun a thleng ta
Mizo Film Award 2021 atan inbuatsaihna ngawrh taka kalpui a ni a, tunah chuan engkim peih a ni tawh. Zan dar 7:00 atangin Red Carpet tan a ni ang a, Zoram hmun hrang hrang atanga kal khawm film star te an inlan ang. Anni bakah hian Zaithiam, designer leh kawng hrang hranga mi hriat hlawh ber berte an inlan dawn bawk.
Angelina & Esther Colney
Mizo Film Award hi host pahnihin an kaihruai dawn a, red carpet-ah Esther Colney a ding dawn a, tun laia host lar em em Angelina Paul a la awm cheu bawk. Angelina hi award ceremony kaihruaitu tur a ni dawn a, a che vel hmuh a chakawm tawh hle.
Designer kut chhuak
Award sem leh event lian dangah designer te an pawimawh thin a, tun tumah pawh nominee thenkhat ten designer kutchhuak an inbel dawn. Designer hriat hlawh tak tak - Buanga Chhangte, Escape Engmawia leh Tluangpuii Hmar te kutchhuak an inbel dawn a ni.
Zaithiam ten OST sa dawn
Mit leh beng titlaitu ber tur pakhat chu zaithiam ten film OST an sa tur hi a ni. Zorema Khiangte chuan 'Grace' OST a sa dawn a, a hla pawh mipui hriat lar tak 'Saltang Tawngtaina' a ni. Hlimhlimi Hmar-in 'Thingtlang Tlangval' OST 'Thian Rinawm' a sa dawn bawk - anni bakah hian Adama & Sangtei Renza, Arini Ralte, Kimkima Ralte leh Siampuii Ralte te'n mipui kalkahwmte zaiin an awi bawk ang.
Tlau Entertainment buatsaih Mizo Film Award 2021 hi Zonet Bawhbel leh LPS 1-ah live a ni dawn a, YK Official YouTube channel-ah live-a pekchhuah a ni bawk ang.
Post a Comment
He post chungchanga i ngaihdan lo sawi ve rawh: