Aizawl | December 30, 2021: Hero Motocorp product thar Xpulse200 4V chu vawiin khan Khaia Hero Showroom, Vaivakawn, Aizawl-ah Motor sports lama Mizoram hming timawi thintu B Lalruatsanga @Rsa'n a khuhhawn hnuin hralh chhuah nghal a ni.
Aizawla Xpulse200 4V Bike thar khuhhawnnaah hian Motor sports lama tui Mizo thalai tam tak an tel a. A khuhhawnna inkhawm tawi zawh a nih rualin pasarih chu hralhchhuah nghal a ni.
Heromotocorp product hrang hrang te chu loan hmanga lei duh tan pawh Bank lam dawr buai ngai lovin, scheme tha tak an neih thu Khaia Hero Showroom neitute chuan an sawi a.
Document tul tlem te hmangin awlsam takin an tihfel mai thei tih sawiin, thlatina a rulhna pawh a sang lo hle niin an sawi bawk.
Xpulse200 4V khuhhawngtu Rsa chuan Xpulse200 4V chu amah pawhin a khalh chhin tawh thu leh motor sports lama tui tan chuan duhthusam a nih thu a sawi.
Post a Comment
He post chungchanga i ngaihdan lo sawi ve rawh: