MZP-in Nov 24 tlai dar 4 ral hmaa zirlaite hnena Scholarship sum pekchhuah phut

• Hun tiam chhunga Scholarship sum pekchhuah loh chuan lungawi lohna lantir tum!
• Education hnuaia sikul building sak ṭhat hna thawh meka thil dik lo titute hlin ngei tum!



Aizawl | November 22, 2021: Mizo Zirlai Pawl (MZP) General Headquarters, Aizawl Executive committee meeting chu vawiin khan an president Lalnunmawia Pautu hovin MZP conference Hall, Aizawl-ah an ṭhukhawm a, Zirlaite chanpual scholarship la pekchhuah loh chungchang sawi hovin sawrkar chu November 24 tlai dar 4 thleng hun an pe a, hemi hun chhunga zirlaite hnenah pekchhuah a nih loh chuan lungawi lohna lantir an tum.

MZP meeting-in a rel dan chuan zirlaite scholarship sum la pekchhuah loh chu November 24 tlai dar 4 thlenga pekchhuah a nih loh chuan November 25 hian lungawi lohna an lantir dawn.

MZP meeting in a rel danin scholarship sum sawrkar laipui aṭanga lut tawh, zirlaite hnena pekchhuah la ni lo chu pekchhuah vat an phut a ni.

MZP chuan education hnuaia sikul sak ṭhatna tur NABARD sum hmanga hmasawnna hna thawh meka dik lo taka thil tih awm nia lang chu an ngaihtuah a, zirna in sak ṭhat meka thil dik lo awm nia lang chu hriatthiam har an tu a, hma lak ngei an rel a, chhui zui a, en zui ngei nise an ti.
Thil dik lo titu hlin ngei tumin a rang lama hmalak an rel a ni.

Vawiina MZP meeting chuan, MZP Inter High School Quiz neih leh ngei ṭha an ti a, Zofate Chawlhbuk - Borapansury tlawh ngei nise an ti  bawk.

MZP general headquarters chuan appointed secretaries hengte hi a ruat;
F Lalduhkima - Education
Nangsawmthanga - Organisation
J Lalrnawma - Social & Cultural
R Lalkhawngaiha - Establishment
Lalhmangaihzuala - Sports & Adventure
Lalentlinga - Information
H Lalthuthlunga Zate - Publicity
F Lalmuanpuia - External Affairs
Zonunmawia Ralte - Property &Library
C Lalhmingsanga - Environment & Sanitation
Lalvansanga Pautu - Editor, MZP Chanchinbu


Thudawnnain a tarlan danin, Mizoram sawrkar chuan  Post Matric Tribal Scholarship to ST 2nd installment sem hmabak awm mek ₹1545.40 lakhs chu vawiin 22 November, 2021 khan Treasury North office ah Release Order a tichhuak.








Treasury office atang hian vawiin ngeiah MSB ah a luh hman beisei niin thu dawn a ni.

Post a Comment

0 Comments