MZP hruaitu hlui leh tharte mawhphurhna inhlan; Ramri chungchangah sawrkarin duhtawk mahse, MZP chuan kan duhtawk ve dawn lo, hma kan la zel dawn - MZP President Lalnunmawia Pautu

Aizawl | November 15, 2021: Mizo Zirlai Pawl (MZP) general headquarters, Aizawl chuan vawiin khan hruaitu hlui leh thar mawhphurna inhlanin, MZP president kalchhuak B Vanlaltana chuan president thar Lalnunmawia Pautu hnenah mawhphurhna a hlan.




MZP hruaitu inhlanna hi MZP Conference Hall, Aizawl-ah vawiin chawhnu dar 1 khan hmangin he hun hi H Hrangkunga'n a kaihruai a, Lalvansanga Pautu in hunserh a hmang.
MZP president kal chhuak B Vanlaltana chuan, MZP chu zo nunze mawi kenga, aia upate zah thiam ṭhin kan nihna keng nunga Mizo hnam tana innghahna tlak ni zel turin hruaitu tharte a chah a, MZP ṭha lehzual din turin a chah bawk a ni.



MZP chu Zofa hnam peng hrang hrangte tana belh tlak leh innghahna tlak a nihna chhawm nung zel turin hruaitu tharte fuihin duhsakna a hlan.

B Vanlaltana chuan, MZP hruaitu tharte chu, Mi harsa leh te berte tana biak ngam hruaitu ni tur leh MZP ropui vawng nung zel tura chahin, MZP kal zelna atan tih theih kan la nei ve a nih chuan ka inpeih reng a ni," a ti bawk.


MZP president thar Lalnunmawia Pautu chuan thu sawiin, MZP chu zofate tana innnghahna tlak a nih zel theih nan hma an lak tur thu sawiin, Mizo hming hawha sumdawng te an dodal tur thu leh UPSC exam tur ṭhalai puih an tum thu bakah Takam leh Tuikuk chungchanga MZP hma lak tum dan a sawi bawk.

Lalnunmawia Pautu chuan, "Ramri chungchangah sawrkar tlanchhiahin duhtawk mahse, MZP chuan kan duhtawk ve dawn lo, hma kan la zel dawn," a ti bawk.

Post a Comment

0 Comments